Hringbrautargengið

Ronald Bjarki

2008-07-19T12:47:00.002Z

Galdrakarl.

Langalangamman.

2008-06-22T22:00:00.003Z

Fallega, yndislega barnabarnið með langalangömmu. Svo fín saman.

Allir á völlinn!

2008-06-20T21:24:00.002Z

Stelpurnar okkar spila á móti Slóveníu á morgun. Ekki missa af frábærlega spennandi leik. Koma svo og hvetja stelpurnar okkar!!!!! Á morgun tryggja þær sér sæti í úrslitakeppni EM, en aðeins með góðum stuðning okkar.

Og svo skæruliðinn. Hann blómstrar. Hér er faðir og sonur. Krútt.

Haldið ykkur fast!

2008-06-16T19:55:00.002Z

Ég er orðin amma! Alvöru amma! Fæddur er drengur Daggrósar og Þorsteins Mánason, 13 merkur og 51 cm. Algjör dúlla.

Yndislegur. Til hamingju Ísland!
Ferðasögur frá Jemen seinna. :)

Sanaa - ljósmyndir

2008-06-14T21:50:00.000Z

Sanaa

2008-05-30T09:53:00.002Z

Er lent i Sanaa. Lifid er dasamlegt og hitastigid lika. Ekki nema 3 tima mismunur a klukkunni - thad er 2 tima mismunur a klukkunni hja ykkur, mamma og pabbi. Hef enn ekki sett upp slaedu og ollum verid sama. Eg held ad aettarharid se ekki ad valda neinum usla. Kannski halda their ad hofudhar mitt se einhverskonar hufa...

Er buin ad svamla i lauginn vid hotelid og aetla nu inni borgina. Geggjad.

Jemen - hér kem ég.

2008-05-28T23:18:00.002Z

Er lögð af stað til Jemen. Og Jórdaníu. Þúsund og ein nótt í tvær vikur. Jibbý.
Hægt er að fylgjast með ferðinni á síðunni hennar Jóhönnu.

Flýg; Reykjavík - Frankfurt - Amman - Sanaa - Amman - London - Reykjavík fyrir utan að þeysast um eyðimerkur Jemen á jeppum og eitt stk. innanlandsflug. Yndislega yndislegt.

Hafið það gott á meðan.

Bloggstífla

2008-04-20T09:53:00.006Z

Ég veit að amma og afi í Falsterbo vilja meira blogg - en phúhe. Ég er bara með bloggstíflu og upptekin í brakedansandi bílagjörningum... En hér nokkrir punktar.

Helgin búin að vera fín. Fór aftur á sjöund í Þjóðminjasafninu - það er svo gaman að fá sér kaffi þar með krakkana. Skoða sýningarnar og leika útí góða veðrinu.

Síðan fórum við á Kjarvalsstaði þar sem útskriftarsýning LHÍ er haldin. Frábær staður Kjarvalsstaðir og flott sýning.

Mest hafði ég gaman af aktivistaverkinu þar sem í boði var losun á hverju sem er; áhyggjum, áhyggjuleysi, erfiðum ákvörðunum etc. Allt á visa-raðgreiðslum.
Iðnhönnunardeildin sló í gegn hjá mér. Til hamingju frú Sigríður með frábæra deild.
Logi og Birta hlupum um garðinn og skemmtu sér konunglega.

Birta var ekki hrifin af sýningu vídeólistaverka. Bara ógeðslegir alsberir karlar og kerlingar, eins og hún orðaði það. Ég varð sjálf fyrir vonbrigðum með þann hluta sýningarinnar. Nekt var þar í nokkrum verkum, en ofboðslega klisjukennd. Nakti karlinn var með rassinn í okkur, klaufalegur og umkomulaus í snjónum, meðan nakta kerlingin í öðru verki var með kynferðislega tilburði litaða af klámvæðingunni. Ég hef oft sagt það og segi það enn; nekt er afskaplega vandmeðfarin og mikilvægt að muna þau hughrif sem hún vekur hjá okkur sem erum vön henni úr hinu almenna rými. Ef það á að nota hana í listrænum tilgangi verður að hugsa aðeins út fyrir boxið. Ef deila á notkun nektar í hinu almenna rými er lítið gagn í að nota sömu birtingarmyndina; þá verður hún aldrei annað en samdauna hinum myndunum. Fyrir mig vantaði allt pointið í þessa nekt.

Að öðru.

Ég er búin að taka ákvörðun; ég er hætt að versla við lágvöruverðsverslanir. Versla minn fisk í fiskbúðum, mitt kjöt í Melabúðinni og rest í Kjötborg.

Og vitið þið hvað; það verður ekkert mikið dýrara. Ég versla alveg ótrúlega mikinn óþarfa í lágvöruverðsverslununum og oftast allt of mikið af mat sem endar með að skemmast heima. Það er vegna þess að ég legg ekki á mig slíka verslunarferð oftar en 2-3 í mánuði. Verð pirruð og stressuð í því umhverfi og innan um starfsmenn sem fátt vita um vörur og þjónustu viðkomandi verslunar.

Í Kjötborg nýt ég þess að fara á hverjum degi. Yndislegt fólk, kaupmenn sem maður er í beinum samræðum við og getur haft áhrif á vöruval.
Það eru lífsgæði fólgin í því að eiga kaupmann á horninu og fá að njóta þeirrar hverfismenningar sem það skapar. Hvet alla til að endurskoða innkaup sín og ath. hvort ekki sé gróði í því að styrkja sinn kaupmann.

Ævintýri dagsins.

2008-04-05T23:51:00.004Z

Mér tókst að kom mér upp myspace síðu. Ógisslega gaman að hanna hana en nú er ég að missa áhugann á síðunni aftur. Ætli þetta sé vandamálið? Að mér byrjar að leiðast of fljótt???

Alla vega - annað áhugamál er að spila knighthood á Facebook - how lame is that? Það er Stefáni Karli að kenna. Algjörlega. :(

Búin að vera eitthvað fúllynd undanfarið. En það breyttist aðeins útí sólinni í dag.

Ég vildi óska að ég væri meira eins og Birta. Hún eyddi deginum í að útskýra hvernig allt yrði fallegra þegar hún gengi fram hjá - og ég er alveg sammála henni.

Fékk kaffiheimsókn og nokkur kjaftatarnarsímtöl.

Fórum á opnun Sjöundar í Þjóðminjasafninu - vel þess virði að fara og skoða. Fá sér svo kaffi og smók í sólinni fyrir utan... ;)
Fókus er verk á sýningunni sem er í miklu uppáhaldi hjá mér. Mig langar í.

Svo skelltum við okkur á Horton í Háskólabíó. Yndisleg heimspeki fyrir börnin. Ég er enn að velta því fyrir mér hvort veran í myndinni sem átti 96 dætur og einn son, og sonurinn átti að verða borgarstjóri eins og pabbinn..., var ádeila. Að eiga 96 dætur og sonurinn sem var dvergvaxinn og þunglyndur var sá eini sem gat tekið við af föður sínum hlýtur eiginlega að vera ádeila!? Allavega myndin er yndisleg.

Svo eyddum við smá tíma í að rúlla niður brekkuna hjá Þjóðarbókhlöðunni. Mikið fjör.
Heima klæddi Logi sig upp sem Rauðhetta og Birta var grýlan, hún vildi það frekar en að vera úlfur þannig að við breyttum ævintýrinu aðeins. Svo vildi Logi vera Spiderman en fannst engin ástæða til að skipta um búning. Flottasti Spiderman sem ég hef séð :).

Nú allir sofnaðir og á morgun kemur nýr dagur. Over and out.

Undarlegar þessar eðlilegu skýringar...

2008-04-04T00:28:00.002Z

Þessi frétt í DV fær mig til að staldra við.
hmmmm. Ætli þetta sé algeng meðferð á vistmönnum stofnanna?

Konan var vistmaður á stofnun

Mynd: DV

Lögregla leitaði í dag að bifreið sem stöðvaði á Sæbrautinni seinnipartinn í dag. Það vakti ahygli vegfarenda að kona sást kasta sér út úr bílnum, rétt eftir að bíllinn staðnæmdist.

Héldu margir að til handalögmála hafi komið milli konunnar og ökumannsins og fékk sú kenning byr undir báða vængi þegar annar maður steig út úr bílnum og henti henni inn aftur.

Að sögn lögreglu á atvikið sér eðlilegar skýringar. Konan var vistmaður á stofnun og mennirnir tveir sem voru með henni í bílnum starfsmenn hennar.

Upprisin.

2008-03-29T03:29:00.004Z

Ég er búin að vera með flensu. Bhuhu. En nú er ég upprisin. Þá er bara að vinna upp tímann sem fór í höfuðverk og hita. Vinna vinna vinna. Luvit.

Allir eru að vinna verðlaun í kringum mig. Elísabet Jökuls vann meira að segja tvö og önnur voru Rauða hrafnsfjöðrin eins og merk kona hafði faktískt spáð fyrir hér á blogginu.... ;)

Vera Sölvadóttir vann líka verðlaun. Hún fékk AIFA verðlaunin sem besti ný skandínavíski kvikmyndagerðarmaðurinn. Húrra fyrir báðum þessum snillingum. :)

Annað og hryllilegra og sorglegra -
Ég get ekki látið vera að pósta þessu vídeói. Svo skelfilega sorglegt að fólk beiti börn ofbeldi eða horfi aðgerðarlaust á. Við megum aldrei láta slíkt óáreitt. Og dómar eiga svo sannarlega að endurspegla alvarleika slíks ofbeldis. En mikilvægast er að byggja upp samfélag sem kemur í veg fyrir að ofbeldi á barni geti viðgengist án viðeigandi íhlutunar. Samfélagið ber ábyrgð á öllum börnunum sínum.

Er þetta fucking ögrun...

2008-03-15T01:20:00.007Z

Maður sem hrindir við öðrum manni sem er að áreita kærustu hans fær sama dóm og Pétur Heiðar Þórðarson fékk fyrir að berja höfði vinkonu minnar ítrekað, með miklu afli, utan í vegg. Fórnarlambið (sic) fær dæmdar sömu miskabætur og hún Julie. Ég geri mér fulla grein fyrir því að það er ekki í lagi með hann Pétur Heiðar. En hef satt að segja miklu, miklu meiri áhyggjur af héraðsdómurum reykjavíkur. Ég held að við þurfum virkilega að rífa allt þetta kerfi niður til að geta byggt upp nýtt og heilbrigt kerfi. Þetta er ekki í lagi.

Héraðsdómur Reykjavíkur dæmdi í dag karlmann í eins mánaðar skilorðsbundið fangelsi fyrir að að hafa hrint öðrum manni þannig að hann féll og handleggsbrotnaði.
Atvikið átti sér stað árla dags í byrjun júlí í fyrrasumar á Laugaveginum. Maðurinn játaði brot sitt skýlaust og var litið til þess og einnig þess maðurinn sem ráðist var á var að áreita kærustu árásarmannsins.
Maðurinn var auk fangelsisdómsins dæmdur til að greiða fórnarlambi sínu 150 þúsund í skaðabætur fyrir árásina.

af visi.is

Er einhver til í að giska hvað þarf marga fjölmiðlafulltrúa til að sýna okkur fram á að það sé eitthvað réttlátt samhengi í þessum dómum!?

Hugsanleg lausn...

2008-03-14T13:57:00.005Z

... á óréttinu sem felst í dómum ofbeldismanna og níðinga er þá hver? - Að ákæra mæður þeirra?

Dæmd til að greiða kennara 10 milljónir í bætur

Héraðsdómur Reykjavíkur dæmdi í dag móðir ungrar stúlku, sem var nemandi í Mýrarhúsaskóla á Seltjarnarnesi, til að greiða kennara stúlkunnar rúmar 9,7 milljónir króna í skaðabætur auk 1 milljónar króna í málskostnað. Stúlkan renndi hurð á höfuð kennarans og slasaði hann.
Fram kemur í dómnum, að stúlkan hefur verið greind með Aspergerheilkenni. Stúlkunni hafði í nóvember 2005 sinnast við bekkjarfélaga sína og farið inn í geymslu, sem var lokað með rennihurð. Kennarinn ætlaði að sækja stúlkuna og stakk höfðinu inn í geymsluna en þá skall rennihurðin á anditi hennar og hentist hún þá með höfuðið á vegg. Síðan hefur hún þjáðst af höfuðverk, öðrum eymslum og þrekleysi.
Kennarinn stefndi bæði stúkunni og Seltjarnarnesbæ fyrir hönd skólans vegna slyssins. Í niðurstöðu fjölskipaðs héraðsdóms segir, að stúlkan, sem var nýorðin 11 ára þegar þetta gerðist, hafi þekkt muninn á réttu og röngu og ekkert í málinu bendi til þess að fötlun hennar hafi skert dómgreind hennar eða að vitsmunaþroski hennar hafi verið minni en almennt hjá börnum á sama aldri.
Þá segir í dómnum, að ekkert liggi fyrir um það í málinu að stúlkan hafi ætlað sér að skella hurðinni á kennarann heldur sé líklegra að hvatvísi hennar hafi þar ráðið för eða reiði vegna þess að henni hafði sinnast við skólabræður sína. Á hinn bóginn hafi henni mátt vera ljóst, að sú háttsemi hennar að loka hurðinni með afli væri hættuleg og hún hlyti að gafa gert sér grein fyrir því hversu alvarlegar afleiðingar sú háttsemi gat haft í för með sér. Því beri stúlkan skaðabótaábyrgð á tjóni kennarans.
Skólinn var sýknaður af kröfu um skaðabætur þó að matsmaður hafi talið að klemmivörn á hurðinni hafi ekki komið í veg fyrir að hún skall á höfði kennarans. Dómurinn taldi hurðina uppfylla öryggiskröfur í lögum.

af mbl.is

Hvernig getur móðir borið ábyrgð á barni meðan það er í skólanum? Erum við virkilega að senda börnin okkar ábyrgðarlaus í skólann?

Ekki verður þessi dómur til að enduruppbyggja trú mína á dómskerfið. Hvað ætli taki marga fjölmiðlafulltrúa til að fá okkur til að skilja þennan dóm?

Persónuleg árás.

2008-03-11T19:34:00.002Z

Ég mun héðan í frá taka allri kvenfyrirlitningu sem persónulegri árás. Og bregðast við henni sem slíkri. Sem kona hafna ég því að hægt sé að réttlæta kaup á mér. Sem skinsöm manneskja hafna ég því að kynlífsfantasíur réttlæti ofbeldi á konum.

Vilji er allt sem þarf.

2008-03-10T00:54:00.011Z

Það var flott að sjá þessar sterku konur sem heimsóttu Mannamál í gærkveldi, þær Hlíf og Bergrúni.

Við verðum að fara að aflétta skömminni af fórnarlömbum heimilisofbeldis. Það er þeirra að bera höfuðið hátt og ofbeldismannanna að taka við skömminni. Það var sú ímynd sem ég fékk af þessum konum; með höfuðið hátt, í dag frjálsar en ofbeldismenn þeirra eiga enn eftir að taka út opinbera skömm og alveg bannað að nafngreina þá. Ef þessar flottu konur gerðu það ætti þær yfir höfði sér þyngri dóma en þessir kallar nokkur tímann fyrir ofbeldið sem þeir beittu þær árum saman. Þetta er réttlæti íslenska dómsvaldsins í dag. Ekki mitt réttlæti.

Konurnar í Mannamáli skipta mig miklu máli; þær ganga í fararbroddi og ryðja vegin fyrir fleiri og fleiri konur til að stíga fram og segja sögu sína.

Jón Steinar steig líka fram. Sjálf sá ég ekki ljómann í því. Eigum við, svona til að byrja með, að samþykkja það slæmt að dómari eigi erfiðara með að hlusta en að tala!? Af hverju var hann þá að sækja í dómara starfið?

Ég veit heldur ekki hvað þarf marga fjölmiðlafulltrúa til að réttlæta misréttið innan dómstóla landsins. Dómarar hafa svosem heldur ekkert verið þegjandi. Á vef dómstólanna má finna greinar sem er ætlað að réttlæta væga dóma í kynferðisbrota- og ofbeldisdómum. Réttlætingin er í hnotskurn sú að dómurum ber skilda að fara eftir lögum, reglum og hefðum og við hin skiljum þetta barasta ekki.

Nei, ég skil það ekki. Ég kaupi það ekki heldur. Vilji er allt sem þarf og þrátt fyrir breytingar á lögum undanfarin ár hefur vilji dómstólana til að tileinka sér auknar heimildir til refsihækkunar í ofbeldismálum sýnt sig lítill sem enginn.

Væri ekki nær að vinna hörðum höndum við að bæta þetta gallaða réttarkerfi okkar heldur en að eyða meira púðri í að réttlæta óréttlætið. Kona spyr sig.

Nú er það ekki þannig að ég sé eitthvað sérstaklega refsiglöð. Finnst t.d. alls ekki að börn eigi að sitja í fangelsi, sama hver glæpurinn er. -ólíkt þeim herrum sem sitja í forsvari dómsmála í dag.

En ég tel það nauðsynlegt að dómar yfir fullorðnu fólki endurspegli alvarleika glæpsins.

Ekki stela 7000 kall...

2008-03-08T14:09:00.002Z

... en endilega lemdu kerlingu.

Dómarinn sem dæmdi í máli vinkonu minnar er Guðjón St. Marteinsson. Hann dæmdi ofbeldismanninn hennar Julie Fischer, sem hefur í gær og í dag sagt sögu sína á stöð 2, í 30 daga skilorðsbundið fangelsi og til að borga miskabætur uppá 150.000kr. Árið 2005 dæmdi sami dómari, Guðjón St. Marteinsson, mann sem dómurinn viðurkenndi að væri ekki heill á geðsmunum, til 45 daga fangelsis - fyrir að stela 7000 kalli!!!

Hvar er Guðjón St. Marteinsson staddur í dagatalinu? Ég spyr eins og Jónas - miðöldum? Jónas skrifaði sinn pistil 2005. Ekkert hefur gerst síðustu 2 ár. Dómar í ofbeldismálum eru jafn fáránlegir og lögregla og skasóknarar leggja sig enn í líma við að ná höndunum yfir lítilmagnana. Allt þetta þrátt fyrir að 2006 var samþykkt heimild í lögum til refsihækkunar vegna heimilisofbeldis. Er þetta í lagi?

Guðjón St. Marteinsson hefur enn ekki séð sér fært að senda Julie dóminn, hún fékk bara símhringingu frá lögfræðingnum sínum. Eins hefur dómurinn ekki verið birtur á heimasíðu Héraðsdóms Reykjavíkur.

Af bloggi Jónasar http://www.jonas.is/blogg

02.09.2005
45 dagar fyrir 7000 kr
Dómvenja í héraðsdómi er í mörgum tilvikum fráleit. Einkum skera í augu harðir dómar fyrir hnupl og vægir dómar fyrir ofbeldi. Nú síðast var maður, sem dómarinn viðurkenndi, að væri ekki heill á geðsmunum, dæmdur í 45 daga fangelsi fyrir að stela 7000 krónum. Er Guðjón St. Marteinsson dómari sjálfur staddur í miðöldum? Er enginn dómstjóri eða annað yfirvald í dómskerfinu, sem getur hrist upp í forstokkuðu dómaraliði? Þeir tímar eru liðnir fyrir nokkrum öldum, að hnupl var talinn verri glæpur en ofbeldi. Nú á tímum eiga 7000 króna hnuplarar heima í meðferð, ekki á Litla-Hraun

---------------------

Að lokum þetta:

Stolt og reið!

2008-03-06T11:14:00.005Z

Ég er afar stolt af henni vinkonu minni. Það var viðtal við Julie Ficher í fréttum Stöðvar 2 í kvöld.

Ég vona að hún verði öðrum konum fyrirmynd og að þær sem verða fyrir ofbeldi - sama af hvaða toga - láti í sér heyra.

Ég veit að margar treysta sér ekki í það, því fyrir liggja oft hótanir ofbeldismannsins. Ég held við þurfum að fara að passa betur uppá hvort annað. Löggjafinn og dómsvaldið eru ekki að sjá til þess að við fáum lifað við það öryggi sem við eigum skilið. Af einhverjum ástæðum vilja þeir sem flesta ofbeldismenn útá götu. Konur, Karlar og Börn, þurfa að þola það að þessi lýður fær skell á handarbakið og gengur síðan glottandi frá hverjum glæpnum á eftir öðrum. Löghlýðnir borgara, greiðandi okkar skatta og opinber gjöld - eigum við þetta virkilega skilið?

Mér finnst það hneisa að ekki er búið að birta dóminn hennar Julie. Hef heyrt kjaftasögur um að viðkomandi dómari birti ekki dómana sína - til að vernda málsaðila.... í þessu tilfelli er hann allavega ekki að vernda hana Julie. Hún er afar opinská með það sem kom fyrir hana.

Sjálf hélt ég að dómurum bæri að birta dómana. En kannski er viðkomandi dómari bara að hreinskrifa ...

Annar dómur féll í dag. Þar var ungur maður dæmdur í 5 mánaða skilorðsbundið fangelsi fyrir hnefahögg sem olli tannbroti. Og tæplega 150.000 kr. miskabætur voru dæmdar brotaþola, sem byt the way er karlmaður og hafði stuttu fyrir hnefahöggið gripið í klof vinkonu þess sem sló. - Áhugavert.

Undirstrika að ég er á móti öllu ofbeldi, en afleiðingar þess að kýla tönn úr karlmanni eru áhugaverðar í ljósi þeirra dóma sem eru að falla vegna ofbeldis á konum.

Ekki einn dómari hefur nýtt sér þyngingarákvæðið sem var lögleitt árið 2006; „Hafi verknaður beinst að karli, konu eða barni sem eru nákomin geranda, og tengsl þeirra þykja hafa aukið á grófleika verknaðarins, skal að jafnaði taka það til greina til þyngingar refsingunni.“

Ekki einn dómari!! Þeir eru samt glaðir að týna allt til sem má nota til refsilækkunar; reitti hann til reiði, hún byrjaði... - nema þegar ráðist hefur verið á menn vegna þess að þeir réðust gegn kynfrelsi kvenna. Dómurinn í dag bendir til þess og dómurinn sem ég linkaði á í athugasemdakerfinu á síðasta póst. Þar er það ofbeldismaður Julie sem var kýldur niður eftir að hafa gerst illa ágengur við konu honum alls ókunnuga.

Það er líka áhugavert að skoða þessa tvo nefnda dóma, þar sem karlmenn verða fyrir árás, því í þeim fer lítið fyrir því að ákærði eigi alltaf að njóta vafans. Eitthvað sem er hamrað á þegar menn eru ákærðir fyrir nauðganir eða sifjaspell.

Skilaboð löggjafans til karlmanna eru skýr; það má misþyrma konum en vogið ykkur ekki að leika einhverja riddara og vaða til að verja þær þegar aðrir karlmenn brjóta gegn þeim. Þá er okkur að mæta. Amen.

Undirstrika að ég tel réttarkerfið ekki sinna hagsmunum mínum og annarra kvenna. Það er mikilvægt að við krefjumst aðgerða núna, að þingmenn og ráðherrar beiti sér í þessu máli í dag. Ég ætla ekki að fara að gleypa við hugsanlegum kosningaloforðum rétt fyrir næstu alþingiskosningar. Tími til bóta er NÚNA! Mun dæma ykkur í næstu kosningum eftir gjörðum ykkar í dag.

Þangað til búið er að forma réttarkerfi sem sinnir hagsmunum allra þjóðfélagsþegna held ég að við ættum að setja upp okkar eigin dómstól. Jamm. Held það sé næst á dagskrá.

Það er ódýrt að misþyrma konu.

2008-03-01T15:40:00.003Z

Í gær féll dómur í máli þar sem maður er kærður fyrir að misþyrma vinkonu minni. Hann barði hana í spað. Hún lenti inná sjúkrahúsi. Fyrir utan líkamleg og andleg sár varð hún fyrir fjárhagslegu tjóni þar sem hún var ekki vinnufær í nokkurn tíma eftir ofbeldið.

Og í gær féll dómurinn. Hann er dæmdur sekur. Það er viðurkennt að hann hafi misþyrmt vinkonu minni og valdið henni tjóni. Hann fékk 30 daga skilorðsbundinn dóm til tveggja ára og gert að greiða henni 150.000 kr.

Ánægja okkar er ekki mikil. Okkur er samt tjáð að þetta sé mikill sigur. Það hefðu ekki brotnað nein bein og eins líklegt að hann yrði ekki dæmdur sekur. Mikill sigur.

Mér er pínu óglatt. Ef vinkona mín hefði verið kall og annar kall, hefði á netinu eða á riti, kallað hana rasista, geðveika eða fallna hefði hún fengið bætur sem hefðu dekkað tekjutapið sem hún varð fyrir vegna barsmíðanna.

Ég gef skít í þetta kerfi. Það er ekki að vernda hagsmuni mína eða annarra kvenna. Virðing mín fyrir því er engin og ég mun ekki hlíta boðum þess. Ég ætla að treysta á sjálfa mig, vinkonur mínar og skapa mitt eigið kerfi. Over and out.

Akkúrat

2008-02-29T15:49:00.002Z

Mustang

2008-02-27T22:26:00.001Z

Snillingarnir í BB&BLAKE með nýtt myndband fyrir Mustang. Vera og Maggi eru bara flottust; I'm taking the car....

Check out this video: Mustang

Makalaust!

2008-02-27T00:18:00.002Z

Greinilega makalaus samkoma hjá netþjónabúinu við Keflavíkurvöllinn...

Nostalgía

2008-02-26T20:21:00.005Z

ókey. Þetta er sérstaklega fyrir ömmur og afa ...
Ég hélt ég hefði týnt þessu vídeói, en þá hef ég einhvertímann sett það á youtube (clever me), og fann það aftur núna.

Þetta er Birta 3-4 ára að syngja. Og hún söng alltaf frumsamið... Ekkert sérstaklega góð myndgæði enda tekið á síma ef ég man rétt.
Er ég í krúttkasti - ójá. "Ég vil bara elska mína..."

Bitch Is The New Black

2008-02-25T02:51:00.003Z

Tina Fey segir allt sem segja þarf!

Uppfærsla; NBC fer um netið og hreinsar burt allar ólöglegar upptökur af efni frá þeim. Hægt er að nálgast innslag Tinu Fey hér í boði NBC!

Femínínskar mínútumyndir!

2008-02-22T11:04:00.003Z

5 ára - mikið rosalega líður tíminn hratt!
Allir að taka þátt. Flestir eiga vídeóvél og auðvelt að komast í klippiforrit. Fá lánaðan makka hjá næsta ættingja eða vin ef maður á hann ekki sjálfur. ;) Svo er bara að næla í góða hugmynd sem er alltaf erfiðasti partur verksins. :)
Koma svo!

ps. smellið á myndina og þá stækkar (ferlega flotta og sniðuga) auglýsingin og hægt að lesa hana auðveldlega.

I'm taking the car!

2008-02-21T13:12:00.006Z

BB&BLAKE leika fyrir dansi, á uppsveiflukvöldi Monitors á Organ, í kvöld ásamt Appledog frá Barcelona. Kvöldið byrjar kl. 21. Frítt inn.

Fleiri góðar fréttir eru að Garps og Ingunnardóttir er fædd. Jibbí.

lögin einskins virði.

2008-02-21T00:22:00.014Z

Það er óþolandi að kjörnir fulltrúar þjóðarinnar komist endalaust upp með það að hundsa lögin. Ef þeim finnast þau fáránleg, eða barn síns tíma, þá bara sleppa þeir að hlýða þeim.

Nú hef ég alltaf verið hrifin af borgaralegri óhlýðni þegar berjast á gegn ólögum. En þingmenn og ráðherrar eru þeir menn sem þykjast hafa burði til að setja okkur lögin. Og gera kröfur um að við förum eftir þeim. Ekki eru þeir góð fyrirmynd.

Hvar eru lagabreytingartillögurnar hans Birkis Jóns? En nei hann nennir ekki að standa í svoleiðis vinnu!? Hann bara tekur þátt í því að brjóta lögin - af því bara.

Birkir Jón og félagar hans í flokknum verja hann með því að hann hafi í raun ekki verið að brjóta lögin því hann hafi ekki haldið fjárhættuspilið né haft atvinnu af því... En er greinilega í góðum tengslum við lögbrjótana ekki satt!? Væri þá í góðu lagi fyrir þingmann að sitja partý þar sem allir félagar hans væru að sprauta sig með heróíni - bara ef það væri ekki heima hjá honum og hann fengi sér ekki neitt sjálfur!? Hvenær hættir það að vera í lagi að taka þátt í lögbroti? Þá meina ég auðvitað fyrir kjörna fulltrúa þessa lands. Því það gilda greinilega ekki sömu reglur fyrir þá.

Svo hundskast maðurinn á þingmannalaununum örugglega til að skila vinningnum áður en einhver getur krafist þess að dómur falli. Og þykist ekki þurfa að hafa áhyggjur af þessu meir.

Ekki þarf neinn að segja af sér. Nei, hefðin býður þessu fólki að sitja sem fastast og halda áfram að veltast um í eigin hroka, fáum til góðs.

Af hverju á fólk sem stendur frammi fyrir fáránlegum lögum að hlíta þeim? Fólk sem ekki er í jafn góðri stöðu, og þingmenn og ráðherra, til að fá ólögum breytt.

Ég ætla að skella mér í það að brjóta nokkur ólög - Gæti fengið mér góða jónu eða talað í farsíma í bílnum eða bara farið og fengið endurskoðandann minn til að ofmeta kostnað. common sá kasti fyrsta steininum sem syndlaus er (sic).

Allar skemmtilegar lögbrotshugmyndir vel þegnar.

Nærmynd

2008-02-18T09:33:00.002Z

Sko mína. Komin í nærmynd.
Hvet allar konur að skrá sig og sín fyrirtæki hjá kvennaslóðum.
Koma svo!

Broddi í heimsókn!

2008-02-16T11:02:00.005Z

Hann Broddi kom heim með Loga. Broddi býr á Ægisborg og skemmtir sér þar með krökkunum. Hverja helgi fær hann að fara heim með einhverju barninu. Og þá verða mamma eða pabbi að skrifa dagbók fyrir Brodda. Lýsa öllu því skemmtilega sem gerðist yfir helgina. Jamm eins gott að liggja ekki í leti.

Ég hef sjaldan séð hamingjusamara barn en Loga þegar hann sagði mér að Broddi kæmi með okkur heim. Broddi er knúsaður og fær líka að leika með löggubílinn. Það er gulur bíll og öskrar á ímyndaða glæpamennina á þýsku þegar ýtt er á rauðan takka. Svo blikka náttúrulega blá ljós. Broddi er með gleraugu og það var mikið mál fyrir Loga að fá að prófa þau. Harry Potter hvað?

Logi er enn mikið fyrir að taka ljósmyndir. Þessa tók hann í gær og ég held hún eigi eftir að verða í miklu uppáhaldi hjá mér. LOL

Hvers eigum við að gjalda?

2008-02-16T00:01:00.018Z

Hún Birta mín er tölvunörd. :) Hefur mikið gaman af alskyns tölvuleikjum. Sérstaklega á netinu.

Í kvöld hafði hún frétt, líklegast hjá jafnöldrum sínum, að leikjanet.is væri aðal leikja síðan. Mikið rétt. Einhverjir "vænir menn" eru að halda úti leikjasíðu hvers aðalmarkhópur virðist vera börn.

Common. Maður þarf ekki háskólapróf; markhópurinn er mjög greinilega börn. Og samt verið að tengja inná síður sem eru einbeitt að bera klámfengið efni að börnum. Ég veit að þessi umræða hefur komið upp áður og "vænu mennirnir" aumkað sér og sagst enga ábyrgð bera. Þeir séu bara að linka inná aðra erlendar síður. En ég kaupi ekki svoleiðis búllshit.

Hér er leikur, barnaleikur, að hlaðast inn. Önnur auglýsingin er kvenmannsrassi þrýst uppí loft meðan einhverju hvítu sæðiskenndu, þó aðeins of þykku, efni er sprautað yfir hann. Hin er stúlka sem hangir aftur fyrir sig, heldur í súlu með brjóstin út. Takið sérstaklega eftir Disney fígúrunum, Hello Kitty og fleiri teiknimyndum sem raðast hringinn í kring. Það eru leikirnir sem börnin eru að reyna að komast í.

Af hverju er verið að halda þessum kvenímyndum að börnum? Hverjum er hagur af því að börn venjist slíkum ímyndum og þyki þær jafnvel eðlilegar? Þeir sem sjá framtíðar klámkúnna í börnunum? Skiptir ekki megin máli hvað tekur við þegar smellt er á auglýsingarnar, þær standa einar alveg nógu "vel" fyrir sínu.

Ég veit að margir vilja, í þroskaleysi sínu eða perraskap, meina að það sé ekkert að þessum myndum - börn sjái verri hluti jafnvel í sjónvarpsauglýsingum. Fyrir utan alla ofbeldisdýrkunina sem er að finna í öllum miðlum. En það er þunnur þrettándi að verja illan gjörning með öðrum jafn slæmum.

Það er athyglisvert að á meðan softpornóið stendur eru merkingar leikjanets hvergi að finna, en þegar niðurhali líkur - pammpúmm - birtist guli borðinn.

Er leikjanet með þessu að verja sig fyrir því að þessu verði klínt uppá sig. Móðir spyr sig.

Sjö voru að spila leikinn samkvæmt upplýsingum leikjanets.

Ég er komin uppí háls með alla diplómasíu og bugt. Það er ótrúlegt að skotleyfi sé gefið á börn og það síðan foreldra að verja þau árásum. Eru þá börn hvers foreldrum stendur á sama, eðlilegur fórnarkostnaður? Hverslags samfélag er það? Hverjir græða á slíku samfélagi? Ekki börnin.

Ekki bætir skap mitt að hafa þurft að horfa á lögfræðing s...a á sig í Kastljósinu. Sveinn Andri Sveinsson vogaði sér að gefa í skin að fórnarlamb nauðgunar á Hótel Sögu hafi, þó á pappír líti út fyrir að hún hafi gengið í gegnum helvíti, verið glottandi í vitnaleiðslum.

Þetta er ekki í fyrsta skipti sem þessi m......a, Sveinn Andri, leyfir sér að mæta í fjölmiðla og s...a kærendur út. Af hverju er ekki búið fyrir löngu að tæta þennan mann í sig!? Hann er fullkomlega sið...s. Hann endurtekið b....r siðareglur lögmanna. Er hann undanþegin þeim?
(lýsingarorð fjarlægð - því ekki vil ég verða til þess að gera Svein Andra ríkari en hann er! ;))

AAARRRRGGGHHHH hvað það er gott að pústa yfir fávitum sem fá að vaða uppi. En í alvöru. Það þarf að fara að gera eitthvað alvarlegt í þessu. Það þarf fólk sem þorir og getur staðið uppí hárinu á þeim. Annars vaða þeir áfram yfir okkur á skítugum skónum. Ojbjakk.

Hlustið á mömmu!

2008-02-14T01:17:00.001Z

Þetta er ég þegar ég fæ ekki flúið í vinnuna. ;)

barnasykur

2008-02-13T19:07:00.004Z

Smá dúllukast. Eins og með öll börn eru þessi líka best í hófi... ;)

Henda ábyrgð yfir öxl, eins langt frá sér og hægt er.

2008-02-11T19:57:00.001Z

Aumingja Vilhjálmur. Hann er bara mannlegur og þess vegna lenti hann í því að ráðfæra sig við forstjóra Orkuveitu Reykjavíkur en ekki Borgarlögmann. Og þess vegna lenti hann líka í því að lesa ekki skjöl og týna minnismiðum, verða tvísaga og þrísaga; auðvita alltaf með hag borgarinnar fyrir brjósti (sílíkon?)
Þess vegna sér Vilhjálmur enga ástæðu til að láta sig hverfa úr borgarpólitíkinni. Hann er sko mannlegur með öxl.
Jórunn Frímannsdóttir segir borgarfulltrúa Sjálfstæðisflokksins standa þétt á bak við Vilhjálm. Það að þeir hafi verið ósýnilegir á bak við hann í dag, og flúið bakdyra- eða kjallaramegin út og ekki viljað ræða við fréttamenn, var bara svo Vilhjálmur ætti einn sviðið. Ógeðslega fyndið. Næstum krúttlegt.

Vilhjálmur og þeir forystumenn Sjálfstæðisflokksins, sem fjölmiðlar náðu í rassinn á, telja að hann, borgarstjórinn fyrrverandi og tilvonandi, hafi axlað sína ábyrgð. Ég er ekkert rosalega hissa.

Þetta er sama fólkið og taldi Árna Johnsen hafa axlað sína ábyrgð um leið og hann slapp frá Kvíabryggju. Sama fólkið og hljóp til handa og fóta, þegar Forsetinn var frá, og veittu brekkusöngleysunni uppreista æru. Aldrei heyrðist Árni harma þann mannlega brest sinn að ræna verðmætum frá almenningi eða sjá eftir því. Fannst hann jafnvel hafa átt þetta smáræði skilið fyrir að hafa haft hag annarra svona mikið fyrir sama brjósti og Vilhjálmur. Samt dálítið fúll að hafa verið staðinn að verki. Hann bara lenti í því eins og Vilhjálmur.

Þetta virðist vera flokkslínan. Eða kannski frekar flokksskilningur á hugtakinu "að axla ábyrgð"? Ég held nefnilega að hópur innan Sjálfstæðisflokksins haldi að það að axla ábyrgð sé að henda ábyrgðinni yfir öxl, eins langt frá sér og hægt er og horfa ekki eftir hvar hún lendir.

Er það ekki bara Eyþór sem hefur þurft, svona í alvöru, að axla ábyrgð á gjörðum sínum!? Missti stöðu sína innan flokksins eftir ölvunarakstur, fór í meðferð og er að endurmeta sjálfan sig. Það kalla ég virðingarvert. Okkur getur jú öllum orðið á. Það er bara þetta að axla ekki ábyrgð sem er svo óheiðarlegt. Jú, jú Sigurður Kári missti ökuskírteinið í eitt ár. En ekki þurfti hann að hafa áhyggjur af þingsætinu eða endurmeta sjálfan sig. Gat bara haldið áfram að tala fyrir áfengi í matvörubúðum og láta eins og ekkert hafi í skorist.
Kommon. Sjálfstæðisflokkurinn tók Gunnari Örlygssyni, frá Frjálslyndum, fagnandi þegar hann var búinn að hefja þingmennsku sína með því að sitja af sér helminginn af 6 mánaða dóm fyrir nótulaus viðskipti, skattsvik og ölvunarakstur. Þá var hann skírður inní flokkinn.

Axlar maður ábyrgð með því að sitja af sér fangelsisdóm? Missa ökuskírteini? Neita að segja af sér? Ætli ég geti þá axlað ábyrgð á feitri skattaskuld með því að hella mér útí pólitík - eða hætt í líkamsrækt. Mhhhhuuuhhahaaa.

Allavega. Vilhjálmur telur þetta eingöngu snúast um að hann þurfi að endurvinna traust borgarbúa - aumingja Villi. Hann ætti kannski að taka út nokkra veikindadaga.

p.s. Áhugaverð skrif eftir Reyni Traustason. Tilhugsunin um þetta valdatafl innan Sjálfstæðisflokksins veldur mér ógleði. Þorgerður Katrín og Hanna Birna bera af flestum öðrum flokksmönnum Sjálfstæðisflokksins og líklegast þær einu sem geta komið honum á þurrt.

A touch of punk

2008-02-11T11:09:00.000Z

Camden Town is burning down! Alveg finnst mér hún yndisleg. Alvöru rokkari with a touch of punk. Óþekk.
Dansararnir eru tær snilld. Her Blake!? Romeó og Júlía 21 aldarinnar!?

You Know I'm No Good
Meet you downstairs in the bar and heard
Your rolled up sleeves in your skull t-shirt
You say what did you do with him today?
And sniff me out like I was Tanqueray

Cause you're my fella, my guy
Hand me your stella and fly
By the time I'm out the door
You're tear men down like Roger Moore

I cheated myself
Like I knew I would
I told ya, I was trouble
You know that I'm no good

Upstairs in bed, with my ex boy
He's in the place, but I can't get joy
Thinking on you in the final throes, this is when my buzzer goes

Run out to meet your chips and pitter
You say we married, 'cause you're not bitter
There'll be none of him no more
I cried for you on the kitchen floor

I cheated myself
Like I knew I would
I told ya, I was trouble
You know that I'm no good

Sweet reunion, Jamaica and Spain
We're like how we were again
I'm in the tub you on the sink
Lick your lips as I soak my feet

Then you know this little carpet burn
My stomach drop yeah and my guts churn
You shrug and it's the worst
Who truly stuck the knife in first

I cheated myself like I knew I would
I told ya I was trouble, you know that I'm no good
I cheated myself, like I knew I would
I told ya I was trouble, you know that I'm no good

Rehab
They tried to make me go to rehab
I said no, no, no.
Yes I been black, but when I come back
You wont know, know, know.

I ain’t got the time
And if my daddy thinks im fine
He’s tried to make me go to rehab
I wont go, go, go.

I’d rather be at home with ray
I ain’t got 70 days
Cos there’s nothing, nothing you can teach me
That I can't learn from Mr. Hathaway

Didn’t get a lot in class
But I know it don’t come in a shot glass

They’re tryin to make me go to rehab
I said no, no, no
Yes I been black, but when I come back
You wont know, know, know.

I aint got the time,
And if my Daddy thinks im fine,
He’s tried to make me go to rehab,
I wont go, go, go.

The man said, why you think you here?
I said, I got no idea
Im gonna, im gonna loose my baby
So I always keep a bottle near

Said, I just think you’re depressed
Kiss me, yeah baby
And go rest

I’m tryin to make me go to rehab
I said no, no, no
Yes I been black, but when I come back
You wont know, know, know

I don’t ever wanna drink again
I just, ooo, I just need a friend
Im not gonna spend 10 weeks
Have everyone think im on the mend

It’s not just my pride
It’s just til these tears have dried

They’re tryin to make me go to rehab
I said no, no, no
Yes I been black, but when I come back,
You wont know, know, know

I aint got the time,
And if my daddy thinks im fine
He’s trying to make me go to rehab
I wont go, go, go.

Góður dagur í dag

2008-02-11T01:40:00.000Z

Átti yndislegan dag í dag. Ekki síst því ég hitti gamla vinkonu. Loksins.
Við vorum bestu vinkonur Björk og ég. Gerðum allt saman. Ég keypti ekki í matinn án þess að ráðfæra mig fyrst við hana. Svo gerist það sem stundum gerist, án nokkurrar sýnilegrar ástæðu, að við fjarlægðumst og misstum síðan alveg sambandið.

Ég flutti líka erlendis sem hefur örugglega spilað inní þetta sambandsleysi. Og það var svo gaman að hittast aftur og reyna að ná utanum allt það líf sem er liðið síðan síðast. Hvernig er hægt að missa svona gott samband!?

Björk er alvöru töffari. Hefur alltaf verið. Leður og mótorhjól er minningin um hana. Alltaf hugrökk og alltaf til í allt. Þannig man ég Björk best. Og hún er enn að; fjallaferðir, fjórhjól og mótorhjól. Og silfursmíði - ég bíð spennt eftir myndum af silfurverkunum!

Og mamma - Björk biður að heilsa!

Hér er mynd af krúttunum mínum. Máni og Sindri sleppa með skrekkinn í þetta skipti. Ég myndi aldrei gera þeim það að kalla þá krútt. Mhhhuuuhhhhaaa

Það er alveg ljóst af englasvipnum sem Loga tekst að setja upp að hann er fæddur leikari...

Besta súpa í heimi

2008-02-10T19:19:00.000Z

Halló! Var barasta að búa til bestu súpu í heimi!
Best að kalla hana vetrasúpu - yndisleg orka og hiti í kroppinn! :)

6 kartöflur
1 blaðlaukur
1 laukur
hvítlaukur eins og þið þolið (ég notaði 3 rif)
skvetta af góðri olíu
1 lítir af vatni
3 lárviðarlauf
1 kúfuð matskeið af gerlausum grænmetiskrafti
gróft salt & nýmalaður pipar

Þurrsteikt beikon
heitar speltbollur

Hreinsið skrælið og sneiðið grænmeti & lauk
Steikið mjúkt í olíu
Setjið vatnið útí ásamt lárviðarlaufum, grænmetiskrafti og klípu af grófu salti.
Látið malla í 20 mín.

þurrsteikið beikonið
Maukið súpuna, piprið
Skammtið í skál og skreytið með beikoninu
Best með volgri grófri spelt bollu

Unaður!

Blessuð með fegurð...

2008-02-09T23:15:00.000Z

.. og algjörlega Botox - frí. :)
Ekki bara af því að þú baðst um það. LOL

Botox hættulegt

2008-02-09T00:12:00.000Z

Viðvörun frá FDA.

Hinir vinsælu hrukkubanar, Botox, og Myobloc eru nú taldir hafa valdið alvarlegum skaða og jafnvel dauða. Allt rakið til botulisma.

Bæði Botox og Myobloc nota botulinum eiturefni, sem stöðva taugaviðbrögð til vöðva í líkamanum og gera þá þannig slaka.

Vandamálið er að eiturefnið getur farið víðar en akkúrat þar sem því er sprautað inn, jafnvel farið að lama vöðva sem við notum t.d. til öndunar og/eða til að kyngja mat.

Verstu hliðarverkanirnar hafa komið upp hjá börnum sem hafa verið sprautuð með efninu, flest með einhverskonar taugakippi og flog sem verið er að reyna að draga úr.

Þótt framleiðendur Botox hafi staglast á því að börn með taugakippi og flog séu að fá miklu stærri skammt en fólk sem er að losa sig við hrukkur, hafa heilbrigðisyfirvöld í Bandaríkjunum bent á að skýrslur berist um allskyns hliðarverkanir frá fólki sem er að fá efnið af ýmsum ástæðum.

Viðvörunin kemur í kjölfar kröfu neytendasamtaka um að auka viðvaranir á efninu, til lækna og fólks sem er að velta því fyrir sér að fá því sprautað í sig. Kröfunni til stuðnings fylgdu yfirlýsingar frá 180 sjúklingum sem sitja eftir með vökva í lungum, erfiðleika við að kyngja og lungnabólgu. Einnig voru tiltekin 16 dauðsföll sem rakin eru til inntöku Botox.

Allir þeir sem fá sprautað í sig eiturefninu Botox, verða strax að hafa samband við lækni ef þeir upplifa vandræði við að kyngja eða anda. Eða ef þeir fá vandræði með tal eða finna slaka í einhverjum vöðvum í líkamanum.

Best væri að aldrei, ALDREI, koma nálægt þessu efni. Njóta þess að eldast með virðingu.

Verðbréf í Shares Allergan Inc., sem framleiða Botox, féllu um meira en 6 prósent sama dag og amerísk yfirvöld sendu út viðvörunina föstudaginn í síðustu viku.

Veðrið versnar

2008-02-08T22:14:00.000Z

Þegar trén eru að reyna að komast inn til manns og flóð í götunni,
hvað er þá betra en góðir ullarsokkar (sem eru að sjálfsögðu prjónaðir af henni Júdithömmu) og ljúft ullarteppi ?

Kannski heitt kakó? Já, ég ætla að hita mér svoleiðis.
Sindri er fastur heima hjá honum Daða vini sínum. Ætli hann endi ekki með að þurfa að sofa þar fyrst veðrið nær ekki hámarki fyrr en um miðnætti!? Nógu slæmt er það núna.

Leikhúsferð, bollur og stormur.

2008-02-08T12:45:00.000Z

Um síðustu helgi fórum við í Þjóðleikhúsið og sáum Skilaboðaskjóðuna. Börnin skemmtu sér konunglega. Þegar aðspurð um hvað hefði verið skemmtilegast sagði Birta orðrétt; "Mér fundust söngvarnir hennar Möddumömmu bera af, þeir voru allir svo fallegir." Hvað mín er orðin fullorðin.

Tók þessar myndir í leikhúsinu á símann minn.

Logi lifði sig svo inní sýninguna. Og hann lærði nýtt orð; gryfja. Honum fundust tónlistarmennirnir í gryfjunni spennandi.

Það er sorglegt hvað leikhús er dýr skemmtun fyrir börn. Ég með minn hóp fer ekki undir 10.000 kallinn fyrir eina leikhúsferð. Það væri ekki amalegt að tekið væri upp kerfi, ekki ólíkt frístundarkortunum, sem tryggði að hvert barn ætti séns á að komast í leikhús þó ekki væri nema einu sinni á ári. Ekki það að salurinn var fullur, en mikið af leikarabörnum og listafólksbörnum sem hugsanlega fá frímiða.

En ég og mín fjölskylda erum forréttindafólk, þó engir séu frímiðarnir, og næstu helgi erum við búin að kaupa miða á Gosa.

Bolludagur kom og fór. Hann Máni minn er fæddur á bolludag, en það árið var hann 5.mars.
Ég gerði heiðarlega tilraun til að baka vatnsdeigsbollur eftir uppskrift Jóa Fel. En það mistókst herfilega - í bæði skiptin. Einmitt. Ég ætlaði ekki að trúa því að þetta væri að mistakast hjá mér og gerði aðra tilraun. Ég sver að það er eitthvað að þessari uppskrift.
Hljóp útí bakarí á sunnudeginum (enginn tími fyrir bolluát á mánudeginum...) en það var búið að loka. Bræðurnir í Kjötborg björguðu mér. Keypti þar heilan kassa af nýbökuðum bollum.

Birta er búin að vera veik meira og minna alla síðustu viku, með leiðinda flensu.

Logi tók þessa mynd af Birtu í hreiðrinu sem hún hafði búið til fyrir framan sjónvarpið sitt.
Missti af öskudeginum, samt ekki það versta sem getur komið fyrir í jafn leiðinlegu veðri... Hún er búin að horfa á Bratz myndina allavega 10x í þessum veikindum sínum. Yndislegt að sjá hvað augun í henni stækka þegar Bratzstúlkurnar fara inní fataskápana sína. LOL Já, gelgjan er skollin á.
Logi er hinsvegar búinn að vera eiturhress.

Hér náði ég mynd á símann minn þegar hann var búin að klifra uppá stofuborð og stökk beint á mig þar sem ég lá í sófanum. Honum datt náttúrulega ekki annað í hug en að mamma myndi grípa hann. OMTC. En auðvitað gerði hún það líka. Enginn meiddi sig. En vá hvað mér brá!! LOL

Birta er voða dugleg að skamma bróðir sinn og stjórna, en hún er líka voða dugleg að hrósa honum og knúsa. Hér fær hann góða meðferð. ;) Yndislegt að liggja undir feld þegar stormurinn hvín úti.

Að lokum, hvað haldið þið að mér hafi borist með pósti núna rétt í þessu!? Jú, tilkynning frá Securitas!

Og hver haldið þið að þetta sé fremst á myndinni með vasaljósið!? Jú! Hann Máni minn. Bolludagsfrumburðurinn.

Jæja - komin aftur.

2008-02-07T16:57:00.001Z

Er hætt á moggablogginu. Hélt að traffíkin sem skapaðist á mbl.is hefði dugað þeim til að hala inn auglýsendur, en nei. Nú ráðast þeir með auglýsingar inná sjálft bloggið. Án þessa að ræða þetta eða svo mikið sem tilkynna það.

Ganga líklegast út frá því að fólk sé orðið húkt á mbl.blogginu. Efast ekki um að sumir séu það - bara ekki ég... dhööö. Auðvitað er ég orðin húkt á því. En þetta er gott tækifæri til að losa sig við fíknina. ;)

Er byrjuð að flytja færslur hingað yfir frá gamla blogginu. Þetta er nefnilega svo fín dagbók.

Vicious Vikingz Crew

2008-02-07T16:29:00.002Z

Vicious Vikingz Crew dönsuðu gegn rasisma á Gauknum í kvöld. Frábært fjör.

Í crewinu eru Ingi, Sindri, Steinunn og Styr undir stjórn Natöshu. Hann Sindri minn er þessi í appelsínugulu treyjunni.

Við fórum heim um leið og dansinn þeirra var búinn - enda um börn að ræða sem ekki eiga heima á bar. Ekki að þau hafi öll verið sátt við það - að þurfa að fara þegar fjörið stóð sem hæst.

Ég missti af Laufey með armböndin - hún kom of seint og ég fór of snemma. Dem.

Sindri og ég löbbuðum heim. Hann heitur eftir dansinn og þóttist ekki þurfa úlpuna yfir í þessum -10 gráðum.

xxx - var beðin um að taka þessa mynd út - þótti of krúttleg.

Og mamma gamla baslaðist þetta áfram á háum hælum í tilefni kvöldsins.

Kallast beljusvellsdansinn. sójúthinkjúkandans-hvað? En aftur að próliðinu;

Fleiri myndir hér af Vicious Vikingz Crew Natasha á heiður skilinn fyrir frábært starf með þessum krökkum.

Félag anti-rasista kynnir;

2008-02-06T16:31:00.000Z

Hann Sindri minn er að breika gegn rasisma á Gauk á Stöng. Á morgun. Ekki séns að ég missi af þessu.

Geri aðrir betur...

2008-01-30T22:43:00.000Z

Tókst að sofa yfir mig og missa af tveimur foreldrafundum. Ætli það útiloki mig frá motheroftheyear tilnefningu?

Stöðvum ruglið!

2008-01-23T23:02:00.000Z

Mér er misboðið.

2008-01-21T23:17:00.000Z

Ég var að vinna í nótt - Mustang gaman með Veru - og sofnaði um leið og ég kom heim úr vinnu (uppúr kjallaranum) í dag. Vakna við þennan sirkus. Mér er svo misboðið. Ég er alvega orðlaus.

Þetta er svo siðlaust. Hér stjórna ekki málefnin heldur persónulegur metnaður og valdagræðgi.
Hvernig Ólafur F. vogar sér að koma fram ásamt 7 fulltrúum Sjálfstæðisflokksins og tala um samstarf á jafnréttisgrundvelli. Ég kem aldrei til með að viðurkenna þennan mann sem borgarstjóra. Og kem aldrei til með að losna við kjánahrollinn sem tengist nú þessum fulltrúum Sjálfstæðisflokksins sem stóðu að baki honum.

Hér er velferð borgarinnar ekki höfð að leiðarljósi. Og ekki lýðræðið.

-Og hvað með aumingja manninn sem á að gera styttur af öllum þessum borgarstjórum!? Sá hlýtur að vera að tapa sér núna!

Frumsýning og sleðaferð

2008-01-17T16:35:00.000Z

Frumsýningin á Brúðgumanum tók með eindæmum vel. Frábær salur.

Hér er hluti hópsins sem kom að myndinni. Vantar þarna bæði systurnar Lísu og Ilmi og Bjólu og Möggu Vilhjálms og Kjartan Kjartans.

Ekki skemmdi fyrir að ég var búin að fjárfesta í nýjum japönskum ullarkjól. Þó hann sjáist ekki á þessari mynd. Ég er hárbrúskurinn sem gægist þarna upp milli Ólafs og Hilmis.

Eftir frumsýningu var haldið niðrá B5 þar sem boðið var uppá tapas og þetta líka fína rauðvín. Í þessum veisluhöldum varð mér ljóst að nýi fíni kjóllinn er ekki gallalaus. Áður en ég vissi af var hann búinn að draga mig uppá borð að dansa. Þröngvaði mér til að halda ræður og tjá ást mína á öllum þeim sem rákust nær mér og kjólnum. Sussum svei hvað svona kjólar geta verið erfiðir.

Tók mér frí frá vinnu í dag og svaf. Tók svo á honum stóra mínum og fór niðrí kjallara og fann snjósleðann. Arkaði að sækja Birtu og saman drógum við Loga heim.

Ég gleymdi auðvitað myndavélinni heima en smellti nokkrum myndum á símann minn.

Í bakgrunni, myndarinnar hér að ofan, glittir í Drafnarstíg hennar Jóhönnu Kristjóns. Eitt af okkar uppáhalds húsum í bænum. Á Landakotstúninu fundum við þetta frábæra snjóhús.

Logi og Birta komust bæði fyrir í húsinu. Það var orðið ansi kalt þegar samþykkt var að kveðja húsið og halda heim.

Þegar heima fengum við okkur heitt kakó og fíkjukex með barnatímanum.

Fyrirgefið.

2008-01-16T16:41:00.000Z

En er bara of upptekin af því í hverju ég á að vera. Hef engan tíma í blogg.

Kjóll? Stutt eða sítt? Gallabuxur? Gull eða silfur? Kórónu? Veldissprota? Já, mér líst vel á veldissprota.

Frumsýning í kvöld og mikið hlakka ég til. Og klikkað stressuð. Efalaust best að klæða sig vel og hlýtt. Og drekka ótæpilega af kaffi til að geta vakað fram á nótt.

Eða "As you can see there is sea all around this island!"

Konum finnst líka gott að ...

2008-01-10T23:28:00.000Z

Hún er bara svo falleg þessi kona. (Já, aldrei er góð vísa of oft kveðin... ) Hún nafna mín Elísabet. Skemmtilegt viðtal við hana í nýrri Viku og ekkert smá flottar myndir.

Úrdráttur úr viðtalinu við EKJ, sem er tekið af Björk Eiðsdóttur.

" Karlmenn geta ekki tekið kynhvötina og eignað sér hana og eins getum við konur ekki þóst vera einhverjar nunnur og reynt endalaust að þóknast karlinum."

Tær snilld. Meistari Elísabet.

Í þessu tölublaði Vikunnar er líka greining á persónu fólks útfrá uppáhalds morgunverði. Mjög vísindalegt.

Ég hlýt að teljast dularfull og fágæt. Því það stendur akkúrat ekkert um fólk hvers uppáhalds morgunverður er tvöfaldur latte með extra mjólk.

Ég hafði gaman af einu húsráði fyrir heilsuna sem finna má í þessu eintaki; "Kreistið safa úr hálfri sítrónu upp í augun og þið munuð gleyma öllum fjárhagsáhyggjum - um stund." Trúi því alveg.

Kata vinkona á afmæli í dag. Við fórum á 10 dropa og fengum okkur afmæliskökur. Yndisleg kaffistofa í kjallara á Laugaveginum. Selja frábærar kökur, og mína uppáhalds sem er heit súkkulaðikaka í kaffibolla. hmmmmmmm. Aftur; TIL HAMINGJU MEÐ AFMÆLIÐ KATA!

Ég og Birta erum algerir snillingar saman í eldhúsinu. Síðasta afrekið okkar var að baka besta rúgbrauð í heimi. Bakað í bakaraofni í 9 klukkutíma - í Quality Street-dollunni sem við tæmdum af konfekti yfir hátíðirnar. Svona mega stór dolla.

Hráefni:

1 líter AB-mjólk
5 dl spelt mjöl, gróft
10 dl rúgmjöl
2,5 dl kornblanda, t.d. 3.korna
2 tsk. vínsteins-lyftiduft
2 tsk. salt
2 tsk. matarsóti
400 gr. sýróp
Hræra kornblönduna útí ab-mjólkina til þess að mýkja það aðeins og síðan matarsótann
út í. Rest af þurrefnum blandað saman og blöndunni hrært útí.

Sýrópið velgt í vatnsbaði og síðan hrært í deigið.

Nammi dollan smurð vel, bakað við 200° C í 10 mínútur hitinn þá lækkað niður í 100°C og bakað í 9 klukkutíma.

Við vöknuðum við yndislegan rúgbrauðsilm. Við viljum meina að það sé besta brauð í heimi.

Annars keypti ég fleiri blöð í dag. Keypti líka Séð&Heyrt, vegna þess að þar er að finna mynd af honum Sindra syni mínum að brake'a. Mikið finnst mér þetta ómerkilegur og illgjarn snepill. Gat samt ekki látið vera að kaupa hann útaf myndinni af Sindra. En, vá. Er einhver virkilega að kaupa þetta rusl reglulega? Einkalíf og tilfinningar fótum troðnar. Það er Eiríkur Jónsson sem treður. Ég er eiginlega miður mín að hafa sett pening í þetta. En las ekki blaðið áður en ég keypti það. Sá bara þessa yndislegu mynd af breakurunum.

Ég keypti mér líka enn eina dagbókina. Í þeirri von að hún geri mig skipulagðari í ár. Á nokkrar svona dagbækur. Byrjar alltaf voða vel. Janúar og febrúar fram í kannski miðjan mars eru allir fundir og allar uppákomur skráðar. Tannlæknaheimsóknir og svo bara ónotaðar síður - fram í desember. Þá fatta ég í paník að ég hef ekki verið að standa mig. Skipulegg desember óaðfinnanlega. Eiginlega eingöngu til að réttlæta kaup á nýrri bók í janúar... Oj, jæja. Einhvernvegin hefur mér nú samt tekst að komast í gegnum allt árið þó síður bókanna séu tómar.

Skráði samviskusamlega frumsýningu 16.janúar - og komu móður minnar í mars. Jibbýjæ mamma er að koma. Partý, bæði hjá Garún, Völu og hafmeyjunum, einnig öll samviskusamlega skráð. Ég held ég sé að píka í félagslífinu. Ekki vanþörf á að komast í góðan vina hóp eftir að hafa verið grafin niðrí kjallara með tölvu í nokkuð langan tíma.

L. - Hæ

Hvar er medalían mín?

2008-01-05T16:47:00.000Z

Lifði af enn eitt árið og enn engin verðlaun í boði.

Eftir sérstaklega normal dag, þeytings milli skóla, dagheimila, vinnu, súpermarkaða og tollstjóra, ímynda ég mér alltaf að ég hljóti nú að ná markinu. Að í dag gerist það. Ég rjúfi markborðann og á móti mér komi fjallmyndarlegur kappi á háum hælum með bikar fyrir mig, gullmedalíu og skjöld til að hengja uppá vegg.

Þá gæti ég slappað af, brosað í gegnum tárin og hugsað hvað þetta var nú allt þess virði.

En nei, enn eitt árið og enginn borði, engin medalía, bikar né skjöldur. Ekki einu sinni riddarakross.

Veit Forseti íslands hvað ég þurfti að leggja á mig þegar íbúðin var sett á uppboð sama dag og sá litli átti tíma hjá tannlækni, einn var með ælupest og deadline var á skilum til Nordisk Film? Ha?

Þegar ég tek á móti Oscarnum ætla ég að öskra það. Eins hátt og ég get og barasta upp á íslensku: MARK!!!! Það verður minn bikar. Mín medalía. Minn skjöldur.

Nema þeim takist að koma mér á geðlyf fyrir athöfnina.

Þá mun ég hvísla, ofurlágt og í gegnum ekkann; "I want world peace and I love children. I want to thank my father and mother and my children. Hi children!" Og svo veifa ég börnunum. Þá hleypur Tarrantino uppá sviðið og kallar; "Please get this woman a table to dance on. She's Icelandic" Og þeir feida upp óskarstónlistinni, sem á að senda fólki eins og mér skýrt merki um að hafa talað of lengi , taka af mér VISAð og senda burt frá Ameríkunni. Og hvað get ég þá sagt við Tollstjóra? "I'm sorry; no VISA do you take an Oscar?"

Allavega.

Það eru bara svona hlutir sem ég er að pæla á nýju ári.

Og svo hvort ég eigi að nenna að elda kjúkling á morgun.

Desemberbörnin mín!

2007-12-20T16:49:00.000Z

Hann fæddist með miklu brambolti drengurinn sem varð 3 ára í gær.

Það var með ólíkindum þessi dagur.

Ég fékk slagæðablæðingu og allt í einu fylltist gatan okkar af 2x sjúkrabílum, sendiferðarbíl (sem var að koma með nýtt rúm sem var jólagjöfin til hennar Birtu) og 6 metra langri limmósínu.

Limmósínan var mætt því Sindri var að halda uppá afmælið sitt og hafði sparað pening og fengið smá hjálp til að leigja hálftíma akstur með afmælisgestum sínum.

Ég man alltaf þegar hann sagði mér að eðalvagnafyrirtækið hefði samþykkt að þau fengju gos í kristalglösin, í staðin fyrir kampavín, og þyrftu ekki að borga neitt meira fyrir það.

Enginn komst aftur á bak eða áfram í götunni og ástandið of farsakennt fyrir bíómynd.

Allavega, Logi var tekinn með bráðakeisara og allar varúðaráðstafanir settar í gang. En
hann virtist ekki hafa haft meint af látunum. Var rólegur og
glaðlyndur.

Í dag, 3 árum seinna, er hann Þórbergur Logi enn jafn glaðlyndur. En rólegur er hann ekki.

Þær eru teljandi á fingrum annarrar handar myndirnar sem ég hef náð af Loga án þess að hann sé brosandi eða skellihlæjandi.

Og óteljandi myndir á ég af honum, eiginlega í lausu lofti.

Og hér er mynd af honum að gefa mér morgunknús. Algjört yndi og ég elska hann svo ógurlega mikið.

Þau eru þrjú í viðbót sem ég elska jafn mikið og þar á meðal hann Sindri minn.

Á þessari mynd er hann 8 ára en á afmæli á morgun og verður 15 ára.

Þó ég hafi gaman og ánægju af því að sjá hann vaxa og dafna og stefna
hratt í fullorðinn einstakling er það líka tregablandið.

Desemberbörnin mín! Logi og Sindri TIL HAMINGJU MEÐ AFMÆLIÐ!!!!

Gat í eyra.

2007-12-09T16:51:00.000Z

Mætt fólk fann skítablett á hvítum leðursófa í hýbýlum Britney Spears. Mér skilst að þetta sé áhyggjuefni og alls ekki fyrir viðkvæma.

Ég yrði líklegast handtekin ef sama fólk kíkti í heimsókn til mín. Hér hefur geisað bæði gubbu- og niðurgangspest og góður hluti þess sem upp, og niður, gekk lenti á kókosteppinu.

Þetta byrjaði allt þegar ég mætti til frumsýningar á heimildarmynd Stígamóta; "Ekkert stoppar Stígamót". Frábær mynd sem gefur innsýn í þann kraft sem má finna á Stígamótum. Mér hlotnaðist sá heiður að fá að klippa myndina.

Allavega. Sýningu er lokið og rétt verið að hella í kampavínsglösin þegar barnapían mín, 15 ára unglingur, hringir í öngum sínum. Logi kominn með niðurgang. He just happened to be - bleyjulaus á kókosteppinu.

Ég þaut út og náði varla að kveðja og þakka almennilega fyrir mig. (Vert að minnast á að myndin verður sýnd á opnu húsi hjá Stígamótum núna á þriðjudaginn 12.12 í tilefni af 16 daga átak gegn ofbeldi)

Hefur einhver reynt að þrífa svona drullu úr kókosteppi? Ekki reyna. Það er ekki hægt.

Síðan hafa nokkrar aðrar pestir sótt á heimilismenn. Gubbupest og "ég get víst drukkið áfengi" pest og einn tyggjóklessufaraldur. Þá gekk ég heilt kvöld með ullarteppi fast í hnakkanum.

Einhver, átta ára stúlka með fimleikaáráttu, "lenti í því" að missa húbabúba-tyggjó þegar verið var að hoppa í sófanum. Tuggin klessan lenti óséð í ullarteppinu, sem ég svo kúrði með í sófanum seinna um kvöldið.

Ég endaði með að klippa teppið úr hausnum á mér og pantaði tíma hjá Rauðhettunni honum Magna. Hann snoðaði mig. Ég er afskaplega ánægð. Fannst þetta samt ekki ódýrt klipp en skipti um skoðun í tannlæknaheimsókn í síðustu viku.

Um síðustu helgi fór ég á frábæra tónleika BB&Blake. Þetta var reyndar Vodka kynning sem ég eins og fleiri fengu boðskort á. Við fengum þó ekkert vodkað. Það var bara fyrir þá sem pöntuðu borð og borguðu 45 þúsund kall fyrir kynninguna!?

En BB&Blake voru þarna með sína fyrstu tónleika. Það var vel þess virði að leggja á sig Oliver fyrir þá uppákomu. Vera var bara flottust og Maggi eins og alltaf; pottþéttur.

Smellti mynd á símann minn.

Svo var frumsýning á Duggholufólkinu. Birta og vinkona hennar hún Lóa komu með mér. Þær skemmtu sér rosalega vel. En Birta var ekki ánægð með drauginn. "mamma næst þegar þú tekur mig með í vinnuna vil ég ekki að það sé svona draugur þar"!

En myndin er enn rædd heima hjá mér. Að mínu mati er það flottast við hann Ara Kristins að hann leyfir sér að vinna verk sem börn geta brugðist við og velt fyrir sé á alla kanta. Húrra fyrir honum.

Á föstudaginn, þegar ég kom út frá vinnu, var af einhverjum ástæðum sprungið á bílnum mínum. Ég losaði um dekkið en lenti í vandræðum þegar ég ætlaði að losa tjakkinn úr skottinu. Hann var boltaður niður og ekkert af þeim verkfærum sem fylgdu dugðu til.

Af því að ég er á bílaleigubíl hringdi ég eftir aðstoð. Um hálftíma seinna mætir ungur og hress maður en ekki tekst honum betur en mér að losa tjakkinn. Hann var þó með tjakk í sínum bíl og bisast við að nota hann. Þá kemur Baltasar og hélt varla vatni í hláturskasti yfir því að femínistinn hefði leitað á náðir karlmanns.
Halló! "hvernig á ég öðruvísi að hitta karlmenn sem eru ekki giftir og það aðal kvenskörungum íslandssögunnar?" Kona spyr sig eins og henni er þrælað út við tölvuna, einangruð í kjallaranum.

Ég meiddi mig á puttanum við dekkjavesenið og var orðin allt of sein.

Birta var í öruggu skjóli vinkonu sinnar hennar Láru. Elísabet vinkona mín og nafna sótti Loga á Drafnarborg.

Þá komumst við að því að Logi telur Ellu Stínu ömmu sína. Hljóp fagnandi í fangið á henni og gólaði "amma".

Þetta er mikill gæðastimpill. Logi telur sig nú þegar eiga 4 afa og 4 ömmur. Helmingurinn er það í alvörunni, hinn helmingurinn hefur unnið sér inn titilinn með því að vera alvöru fólk.

Elísabet og nýja ömmubarnið fóru yfir á Drafnarstíginn til Jóhönnu ömmu - og nei hún er bara alvöru fólk. Er í raun amma hans Mána.

Ella Stína er búin að vera á Írlandi og kom færandi gull skó og toblerone og bók. Mér var reyndar send bókin í pósti en hef enn ekki náð að sækja hana. Pósthúsið mitt er nefnilega í öðru bæjarfélagi.

Búandi í vesturbænum var eitthvað gáfnaljósið sem ákvað að pósthúsið okkar ætti best heima á Seltjarnarnesi.

Bókin sem Elísabet lét mig fá var Heilræði lásasmiðsins. Bókin hennar.

Þetta er svona alvöru bók, innbundin með yndislegri bókakápu sem skartar gyðjunni Bóbó og upphleyptum stöfum.

Hún er góð á náttborðinu.

Ég ætla að nýta frídaginn minn og lesa hana.

Skilst að ég sé í henni, eða allavega leðurstígvélin mín.

Kristrún Heiða skrifaði flottan dóm um bókina í Fréttablaðinu nú fyrir helgi.

Við drukkum te á Drafnarstígnum, Jóhanna var á fundi og er á leið til Líbanon í dag.

Elísabet sagði okkur sögur frá Írlandi og sýndi okkur flottustu stígvéli sem búin hafa verið til. Með prinsessu undir bleikum hælnum. Sannkölluð töfrastígvéli.

Þá uppgötva ég að ég var ekki með húslyklana mína... Hringi í Mána og hann kemur með Athenu, Rottweilerinn, og aukalyklana. Í millitíðinni hringir Jaana en hún stendur köld fyrir framan Hringbrautina. Hún ætlar að passa fyrir mig meðan ég skrepp erinda í Latabæ. Henni er líka stefnt á Drafnarstíginn. Að lokum er þarna orðið dágott partý en húsráðandi enn fjarri góðu gamni.

Þetta endaði allt vel.

Daginn eftir er væg gubbupest að heimsækja okkur þannig að ætluðum piparkökubakstri með vinkonum er frestað. Ég er eitthvað hálfslöpp og er að rabba við Kötu vinkonu í símann þegar Logi rekur upp skaðræðisöskur. Ég þýt fram og sé barnið í keng fyrir framan spegilinn með eyrnapinnaboxið í hendinni og blóðugan eyrnapinna á gólfinu.

Beið ekki boðanna og þaut útí bíl með hann og Birtu, beinustu leið uppá slysavarðastofu. Þar fékk ég að vita að hann væri búinn að gera gat á hljóðhimnuna og það blæddi úr eyranu.

Það er á svona stundum sem ég finn að ég er hlynnt einkalæknum og fegin að ég er ekki Britney Spears ...

Ég var send heim með barnið þar sem ekki væri unnt fyrir háls- nef- og eyrnalækni að taka á móti honum strax. Við fengjum ég ekki tíma fyrr en á mánudagsmorguninn. Tók manísku mömmuna á þetta og held að allt reddist. Drengurinn er nógu hress; ekki á honum að sjá.

Hann er samt með gat í eyra. Það grær vonandi hratt, þarf bara að fylgjast vel með.

Ég hef fengið veður af því að á milli bara bæjarins þvælist farandskáld og segi sögur af mér. Allsvæsnar.

Þó það sé falleg tilhugsun, að einhver finnist kona efniviður í sögur og flytji opinberlega, skilst mér að þessar sögur hans séu einhæfar og illkvitnar.

Ég ætla að taka viljan fyrir verkið og býð honum að lesa bara upphátt af blogginu mínu í staðinn. Ég held það kæmi betur út fyrir okkur bæði.

Hér er svo jólasveinamynd til að undirstrika að það er tími til kominn að panika fyrir jól.

Stöðvum öfgafemínistana

2007-12-02T22:06:00.000Z

Mikið blöskrar mér framganga sumra félaga minna úr kvikmynda og sjónvarpsbransanum í kjölfar fréttar 24stunda um að nokkrar konur sem kenndu sig við femínisma höfnuðu að koma fram í þætti Egils Helgasonar.

Agli er svo sem vorkunn og hægt að sýna honum smá samúð þegar hann á 10 sekúndum afgreiðir þuluna um hvaða konur hafi komið í þáttinn til hans og tuðar um hvað þetta sé allt erfitt. Hann er þó greinilega ekki að skilja um hvað málið snýst og hefur ekki burði né bein til að hlusta á gagnrýnina og kryfja. Hann er tilfinningavera sem tekur allt of mikið inná sig. Virkilega óþægileg staða fyrir karlmann sem vill kenna sig við hlutverk gagnrýnanda í samfélaginu.

Allt í einu poppar svo Þorsteinn J. fram á völlinn og skrifar í Fréttablaðið í dag pistil undir yfirskriftinni "Kerlingavæl". Ég ætla ekki að fara í saumana á því hvað þetta eru barnaleg skrif af hans hálfu. En þegar hann vænir Drífu Snædal um að hafa ekki haft nein rök fram að færa í Kastljósumræðunni, þar sem hún mætti Agli til að ræða afstöðu sína, þá varð ég plaff!

Hvað á Þorsteinn J. við?

Er hann sem starfsmaður ríkissjónvarpsins að segja samning þess og menntamálaráðuneytisins gagnslaust plagg sem ekki beri að virða? Því að öllu öðru slepptu, kerlingavælinu eins og Þorsteinn kýs að kalla, að mínu mati, yfirvegaðan málflutning Drífu og Katrínar Önnu, er ekki hægt að horfa fram hjá ákvæðum þess samnings eins og Drífa benti á. Þar kveður nefnilega á um að gæta skuli jafnréttis og að kynjahlutföll sé sem jöfnust. Og í alvöru! Hafandi starfað við ýmsa dagskrágerð í gegnum tíðina finnst mér alls ekki að mér vegið þó kynjahlutföll séu gagnrýnd. Tek því fagnandi. Því gagnrýni álít ég ekki af hinu illa, þvert á móti. Kemur mér á óvart að gagnrýnendurnir Egill Helgason og Þorsteinn J. óttist hana.

En vonandi er Þorsteinn J. ekki í alvöru á því að samningin beri ekki að taka alvarlega, þá stendur eftir spurningin; hvað liggur að baki þessum furðulegu skrifum hans í Fréttablaðinu. Og hvort hann vilji meta kröfur um aukinn hlut íslenskrar dagskrágerðar með sömu rökleysu og hann beitir á jafnréttisbaráttuna. Ég man nefnilega sem barn þegar okkur bauðst ekki annað en kanasjónvarpið og þá var um alvöru skort á íslenskri dagskrágerð að ræða. Og náttúrulega óþolandi þessi mælistokkur sem verið er að troða uppá dagskrá ríkisútvarpsins sjónvarps um hlutfall innlendrar dagskrágerðar etc. Give me a brake.

Og strákar. Þið vitið að ég elska ykkur en það er ekki hægt að sitja þegjandi undir þessu. Ég er bara reið útí ykkur núna. Ykkur er velkomið að kíkja í kaffi og skamma mig. Í staðin fæ ég að halda smá fyrirlestur fyrir ykkur. Ég skal baka.

Sverrir Jakobsson er með fín skrif í Fréttablaðinu þar sem hann spyr hverjar öfgaranar séu? Kannski jafnréttiskrafan sjálf?

Kristján B. Jónasson skrifar svo frábæran pistil í morgunblaðið. Stal fyrirsögninni frá honum. Læt þann pistil fylgja hér með.

Ívikunni birtist frétt í 24 stundum
af því að þrjár konur sem allar
hafa haft sig frammi í umræðunni
um jafnréttismál á undanförnum
misserum, Drífa Snædal, Katrín
Anna Guðmundsdóttir og Sóley
Tómasdóttir, ætluðu ekki að koma fram í
Silfri Egils um ófyrirséða framtíð af því að
þær teldu forsendur umræðna þar ekki
jafnréttishugsjóninni til framdráttar. Við
fyrstu sýn vakti þessi frétt enga sérstaka
furðu. Áður hefur komið fram gagnrýni á
val viðmælenda í Silfur Egils á meðan sá
þáttur var á Stöð 2 og þar áður á Skjá einum.
Umræðan um stöðu kvenna í fjölmiðlum
á sér langa sögu og gerðar hafa
verið mælingar hérlendis jafnt sem erlendis
sem sýna að fyrirferð kvenna í umræðum
um samfélagsmál, stjórnmál og efnahagsmál
endurspeglar ekki þá einföldu staðreynd
að konur eru álíka fjölmennar og
karlar. Þetta mál hefur raunar verið svo ítarlega
rætt að bera myndi í bakkafullan
orðalækinn að þylja hér þá miklu litaníu af
með- og mótrökum sem jafnvel eldri frændur
geta þulið í fjölskylduboðum án þess að
fipast: röksemdir á borð við „konur hafa
engar sterkar fyrirmyndir ef þær birtast
ekki í fjölmiðlum“ eða „staðreyndin er að
konur eru í minnihluta í fjármálalífi og
stjórnmálum, er það mér að kenna?“ Allir
vita um hvað málið snýst. Fyrir vikið hefði
líklegast verið frumlegra að hlífa okkur við
enn einni ræðukeppninni um kosti og galla
femínisma og skoða þessa yfirlýsingu sem
vitnisburð um að feðraveldið eigi það sameiginlegt
með Rómaveldi að þurfa að ganga
í gegnum mjög langt hnignunarskeið áður
en það fuðrar upp nóttina þegar varðsveitirnar
gleyma sér við að súpa bjór sem
keyptur var í kjörbúð og hala niður ósíað
porn.
En einmitt vegna þess að við getum þulið
fyrirfram upp allt sem femínistarnir og
gagnrýnendur þeirra munu segja ætti umræðan
að vera óþörf. John Stuart Mill tíndi
þegar á 19. öld til í riti sínu um Kúgun
kvenna mjög einföld rök fyrir jafnrétti sem
maður skyldi álíta að væru komin eitthvað
áleiðis inn í hausinn á þeim velmenntuðu
ungu mönnum sem nú jarma í slíkum hysteríukór
á netsíðum um hættur „öfgafemínismans“
að eyfirska Lúkasarguðspjallið
frá því í sumar virkar næstum eins og
mjálm í samanburðinum. En það er nú aldeilis
ekki. Sú einfalda ábending Mills að það
sé sóun á mikilvægum hæfileikum og kröftum
að útiloka annan hluta samfélagsins frá
gæðum sem hinn hlutinn telur sjálfsögð er
einfaldlega ekki viðurkennd skoðun í
ákveðnum þjóðfélagshópum. Strax sama
dag og fréttin í 24 stundum birtist snjóaði
inn í netheima slíkum hópeflisblammeringum
um „öfgafemínistana“ Katrínu
Önnu en einkum þó Sóleyju Tómasdóttur að
maður varð hálf tómur í framan yfir heiftinni
og rætninni. Það er einfaldlega absúrd
að sjá hlið við hlið á bloggsíðum og vefsetrum
vandað efni úr pennum þessara ungu
karlmanna og síðan hatursrullur sem hafa í
mesta lagi gildi sem skoðunarefni á sviði
sálfræðinnar.
Samt hafa þær Katrín Anna Guðmundsdóttir
og Sóley Tómasdóttir í raun ekki
sagt og gert annað en það sem góðir og
vandaðir menn, hófstilltir andstæðingar
„öfgafemínismans“ á borð við Þorstein Siglaugsson
hagfræðing (tsiglaugsson.blog.is),
sem þjóðinni er kunnur sem maðurinn sem
reiknaði Kárahnjúkavirkjun út af borðinu
og Guðmund Magnússon sagnfræðing
(dv.is), sem þjóðinni er m.a. kunnur sem
höfundur bókarinnar um Thorsarana,
myndu hafa ráðlagt öðrum í sömu stöðu:
Maður haslar sér sinn eigin völl áður en
hólmgangan hefst. Annars eru átökin alltaf
á forsendum andstæðingsins. Þetta er
grunnatriði í almannatengslum og stjórnmálabaráttu.
En þessir herramenn auk
tveggja tuga annarra minni spámanna ýja
engu að síður sterklega að því að „öfgafemínisminn“
sé fyrir vikið skaðlegur frelsi
borgaranna, já og sumir, einkum margir
hinna minni spámanna, halda því raunar
blákalt fram að hann ógni samfélagsgerðinni.
Það eru engin ný tíðindi að þeir sem
eru sannfærðir um kosti frjáls markaðsbúskapar
og ókosti hverskonar íhlutunar
hins opinbera í líf og starf borgaranna líti
svo á að félagslegar röksemdir hópa í réttindabaráttu
séu varhugaverðar sósíalískar
hugmyndir sem hafi aukna forræðishyggju
og ríkisafskipti að leiðarljósi. Frjálsir einstaklingar
og haftalausir séu í fræðilegum
skilningi jafnréttháir hver öðrum og því sé
jafnrétti best tryggt með sem minnstri
íhlutun hins opinbera um þessi mál. Þetta
er falleg hugsjón sem er þess meira en verð
að hún sé útskýrð og varin. En af hverju er
mönnum um megn að setja þessar skoðanir
fram skilmerkilega og heimfæra þær upp á
aðstæður í okkar samtíma? Af hverju
bregðast menn við því sem femínistar á
borð við Sóleyju Tómasdóttur hafa að segja
með úlfúð, útúrsnúningi, háði, svívirðingum
og einelti? Hafa þeir miður góðan málstað
að verja? Því þegar rökþurrðin ein blasir
við setjast karlmenn með þrefalt háskólapróf
niður og fá klapp á bakið og ferföld
húrrahróp hjá félögum sínum úr ungliðahreyfingu
stærsta stjórnmálaflokks landins
fyrir að skrifa svona nokkuð (þetta á náttúrlega
að vera ofsafyndið): „Áður en ég
skelli mér í Valhöll að horfa á grófar klámmyndir
og borða fimm þúsund kalla með
100 ríkustu karlmönnum Íslands vil ég
beina þeim tilmælum til Sóleyjar að slappa
aðeins af.“ (Deiglan.com, 28.11.2007) Finnst
forvígismönnum ungra og aldinna sjálfstæðismanna
og sjálfstæðiskvenna þetta virkilega
frábært framlag til kynningar á hugmyndum
þeirra og hugsjónum?

Eftir Kristján B. Jónasson
kbjonasson@gmail.com

Dekurdagur

2007-11-14T22:08:00.000Z

Eyddi seinni hluta dags í gær í dekur. Spa.

Heitir pottar, gufur, gullglimmer og rúllur í hausinn.

Fór í frábæra veislu með ótrúlega góðum mat, rússneskt þema. Mikið af kampavíni og vodka.

Wasabi flugfiskahrogn, saltfiskur og lamb með hrökkbrauði og súrri gúrku. Algjört delicatess.

Dansaði fram á nótt.

Er að jafna mig.

Góðann daginn í fyrramálið.

2007-10-12T22:10:00.000Z

Það er góður dagur í dag.

Í gegnum svefnherbergisgluggann glittir í friðarljósið. Dálítið fyndið að allt skuli í loft upp í borginni sama dag og það er tendrað... Boðar vonandi nýja og betri tíma án einkavinavæðingar og græðgi.

Nú eru þeir að leita að geimverum í Arizona, virðast ekki hafa hugmynd um að við erum hér.

Ég ætla í smá bloggfrí þangað til bíóið er tilbúið og Latibær afgreiddur og stuttmynd eða tvær að ógleymdri frumsýningu Stígamótagleðinnar.

knús.

p.s. Logi er enn bara 2 ára en er mikið fyrir að taka ljósmyndir. Hér eru nokkrar myndir sem hann tók. Bara til að gleðja ykkur. Sjónarhornið er jú alveg stórkostlegt!

Birta í sófanum.

Mamma að elda.

Og af því að Kata minnist á það...

Þá er hér mynd af Kötu skælbrosandi.

Og hér er svo myndasmiðurinn alveg búinn eftir daginn.

Birta á afmæli í dag!

2007-10-10T22:11:00.000Z

Orðinn átta ára. Og ég klökk.

Mikið rosalega líður tíminn hratt. Þetta er yndislegi töffarinn minn sem sigldi með mér yfir ermasundið til vinnu í Kaupmannahöfn daginn eftir að hún fæddist. Varð yngsti "pendlarinn" aðeins vikugömul með löggilt kort á ferjuna. Í sex mánuði sigldum við saman, næstum á hverjum degi.

Alltaf með marbletti um allar lappir, prílandi og hoppandi útum allt.
Nú er hún átta ára og meira að segja talandi á ensku. Stóð sig með mikilli prýði í samræðum við þær Nouriu og Maryam sem komu í mat í kvöld með henni Jóhönnu Kristjónsdóttir. Systurnar frá Jemen sungu fyrir hana afmælissönginn bæði á ensku, frönsku og arabísku. Það var frábært. Ég ætla að blogga meira um Nouriu og Jóhönnu og VIMA og YERO við tækifæri. Hvet ykkur til að missa ekki af Kastljósinu í kvöld, þar á að vera viðtal við Nouriu.

Og Birta elsku Birta mín ; TIL HAMINGJU MEÐ DAGINN!

Þetta líf.

2007-10-06T22:15:00.000Z

Þetta líf er alveg að fara með bloggið mitt. Lífið tekur allt of mikinn tíma.

Ef ég væri ekki svona upptekin gæti ég bloggað um Óbeislaða fegurð í bíó - endilega drífið ykkur á hana. Stórkostlega skemmtileg. Ég gæti líka sagt ykkur frá bikarnum sem Argo fékk og gerði hann Mána sinn stoltan. Ég gæti sagt ykkur frá kríunum í Flatey. Ég gæti sagt ykkur frá Britney Spears dansinum sem ég tók í partýinu.

En nei; back to live, back to reality,

Back to the here and now yeah

However do you want me
However do you need me
How, however do you want me
However do you need me
However do you want me
However do you need me
How, however do you want me
However do you need me

Back to life, back to the present time
Back from a fantasy Yeah

Af kommum og skilgreiningavaldi.

2007-09-30T22:16:00.000Z

Var að koma af Bessastöðum. Freyðivín í glas, kransamunnbiti og skemmtilegur félagsskapur. Mest var gaman að fylgjast með andköfunum sem amerískir gestir tóku þegar Kaurismaki hrósaði forsetanum fyrir það að hafa ekki breyst eftir að hann varð forseti. Hann hefði verið kommi og væri enn kommi. Ameríkanarnir supu hveljur og frusu og roðnuðu. Forsetinn brosti umburðalyndur og þá tísti í Kaurismaki.

Það heillar erlenda gesti alltaf jafn mikið að ekki skuli vera víðtæk öryggisgæsla og vopnaleit áður en forsetanum er mætt. En eins og Ólafur Ragnar segir gjarna í ræðum sínum; við viljum líta á gesti okkar komandi í friði þangað til annað sannast.

Það er líka einstætt að geta vafrað frjálst um Bessastaði og meðhöndlað sverð og kuta sem gefnir hafa verið, oft af erlendum aðilum.

Hér er Vera Sölvadóttir að munda víkingasverði. Koolisti.

Fyrr um daginn stjórnaði ég umræðum í Norræna húsinu. Naflaskoðun er alltaf af hinu góða og mikilvægt fyrir kvikmyndagerðarmenn eins og aðra, að skoða verk sín og hugmyndir útfrá mismunandi breytum. Um hverjir sátu í pallborði má lesa í fyrri færslu minni, og umræðurnar sem fylgdu voru fjörugar.

Margir þekktir kvikmyndagerðarmenn voru mættir á staðinn, sem allir eiga það sameiginlegt að hafa lagt hug og hjarta í íslenska kvikmyndagerð. Karlar jafnt sem konur.

Til umræðu kom skilgreiningarvald, bæði leikstjóra og áhorfanda. Platón kom uppá borð með það að listin væri lygi sem hann síðar snerist hugur um og sagði þá listina viðleitni til að segja sannleikann. Kvikmyndir skapa raunveruleikann. Listrænt forræði í ljósi samframleiðslusamninga var rætt. Framlag kvenna fékk þó mesta plássið. Konur eru margar í kvikmyndagerð, en oft á bak við tjöldin. Konur eru ekki nógu sýnilegar og eru fámennar meðal handritshöfunda og leikstjóra. Konur eiga að hafa sama aðgang að fjármagni, en eru ekki að sækja um. Hugsanlegar ástæður voru ræddar fram og aftur. Bæði skilgreiningavandi, skortur á fyrirmyndum og skortur á viðurkenningu. Niðurstaðan varð sú að kyn skiptir máli en meðvitund skiptir mestu máli. Eða eins og Katrín Anna orðaði það svo skemmtilega; þó kynin myndu kjósa það sama skiptir máli að bæði karlar og konur hafi kosningaréttinn.

Ég fór út meðvitaðri og sannfærðari um að íslensk kvikmyndagerð á eftir að blómstra enn betur. Það er stórt skref í rétta átt að hægt sé að ræða þessi mál á vitrænum nótum, með hag kvikmyndagerðar í brjósti. Það getur eingöngu skilað kvikmyndasögunni fjölbreyttari sögum og karakterum.

Af Óskari og íslenskri kvikmyndagerð.

2007-09-29T22:26:00.000Z

Allt búið að vera á hvolfi. Mikið að gera og margt að dunda. Sérstaklega eftir að ég hitti nýja endurskoðandann minn!

(ath. að myndin er ekki af nýja endurskoðandanum mínum!)

Gleðifréttirnar eru þær að Mýrin var valin framlag Íslendinga til forvals Óskarsverðlaunanna. Það væri stórkostlegt ef hún yrði tilnefnd. En ótrúlegt.

Þær íslensku kvikmyndir sem hafa verið tilnefndar til Óskarsverðlauna eru "Börn náttúrunnar í leikstjórn Friðriks Þórs Friðrikssonar árið 1991 og stuttmyndin "Síðasti bærinn í dalnum" árið 2006 í leikstjórn Rúnars Rúnarssonar. Pæliði í því hvað við erum frábær þessi litla þjóð.

Á morgun, sunnudaginn 30.september, klukkan 13.00 í Norræna Húsinu, verður spennandi umræðufundur í boði Alþjóðlegu Kvikmyndahátíðarinnar og KIKS, kvenna í kvikmyndum og sjónvarpi.

Yfirskriftin er í stuttu máli : Hvaða sannleika er að finna í íslenskum kvikmyndum? Endurspegla þær heiminn sem er fyrir? Eiga þær sér stoð í samtímanum og er sögutúlkun þeirra
mikilvæg komandi kynslóðum?

Í pontu stíga Laufey Guðjónsdóttir forstöðumaður Kvikmyndamiðstöðvar
Íslands, Sigríður Þorgeirsdóttir dósent í heimspeki, Sigríður Pétursdóttir
kvikmyndagagnrýnandi, Katrín Anna Guðmundsdóttir viðskipta- og
markaðsfræðingur, Írís Ellenberger sagnfræðingur og Kristín Atladóttir
kvikmyndagerðarmaður.

Ég læt mig svo dreyma um fjörugar og inspírerandi umræður í kjölfarið! Enda yours truly, ég sjálf, fundarstjóri.

Svo hvet ég alla til að fara í bíó meðan hátíðin stendur yfir. Fullt af konfekti og ekki síst á meðal heimildamyndanna. Lokadagur er 7.október.

Sjáumst.

Ertu femínisti?

2007-09-20T22:28:00.000Z

Hafði gaman af því að skoða þessi brot úr heimildarmyndinni "I Was a Teenage Feminist".

Therese Shechter er heimildagerðarkona frá Brooklyn. I WAS A TEENAGE FEMINIST er fyrsta myndin hennar og er frá 2005. Fyrsta brotið sýnir hóp af konum svara því hvort þær séu femínistar.

Seinna brotið er Therese að velta því fyrir sér hvað varð um hennar eigin femínisma. Hún var aktívur femínisti þegar táningur en um fertugt fattaði hún að hafa ekki hugsað um femínisma í mörg ár. Þá fór hún að velta því fyrir sér hvort hún hafi týnt femínismanum sínum og þeim krafti sem hann gaf henni, eða hvort femínisminn hennar hafi týnt henni. Mig langar að sjá þessa heimildarmynd og vita hver niðurstaða hennar varð.

Á bloggsíðunni hennar Kötu vinkonu er athugasemd frá honum Þorgeiri um að það sé aðdáunarvert hvernig femínistabloggararnir Katrín Anna og Sóley haldi yfirvegun sinni þrátt fyrir bullið sem veltur yfir þær í kommentakerfum þeirra. Mér datt sú athugasemd í hug þegar ég sá þetta viðtal Ali G við kynjafræðinginn og femínistann, prófessor Solis. AliG undirstrikar enn og aftur að hann er ekki vitlaus og tekur fyrir allar klisjurnar um femínista og prófessor Solis tekur því með stóískri yfirvegun og dippu af húmor. Drepfyndið.

Starring Cate Blanchett

2007-09-17T22:30:00.000Z

Úff púff. Það er aldeilis búin að vera törn síðustu vikur. Vinnan og lífið.

En þegar kona fær símtal eins og í fyrrakvöld, frá frábærum konum stöddum á Grænlandi, verður allt þess virði. Þetta voru Stígamótakonur sem hringdu eftir frumsýningu á kvikmynd um hringferð sína um Ísland í sumar. Þetta er ekki heimildarmynd í hefðbundnum skilning, meira svona gleðimynd. Og á norrænni ráðstefnu á Grænlandi vakti hún líka þessa miklu lukku. Ég er svo hamingjusöm fyrir hönd þessa hóps, sem hefur unnið svo flott og mikið starf á hjartatauginni einni saman, því ekki vaða þær í fé né úrræðum. Bravó. Það var hún Kristbjörg Kona Kristjánsdóttir sem leikstýrði myndinni. Eitt það skemmtilegasta sem ég hef gert var að vinna með henni úr þessu efni frá ferðinni. Svo mikil gleði. Ég held ég sé aðeins betri manneskja eftir þetta.

Fyrir utan vinnu hefur lífið verið.... hvað get ég sagt... fjörugt!?

Eldhúshillurnar hrundu og með þeim fór í gólfið gullbryddaða stellið frá Ömmu Elísabet, erfðargossið mitt. Öll vínglösin, föt og skálar. Og eldhúsborðið mitt og rándýr eldhússtóll. Allt semsagt brotið og bramlað. VÍS gekk í málið og áður en vikan var liðin var allt bætt og búið að gera við borðið. Algjörlega til fyrirmyndar og á skjön við margar sögur sem kona heyrir. Topp þjónusta.

Hef reglulega átt í súrrealískum samræðum við Ogvodafone. Ekki súrrealískum ala auglýsingarnar þeirra heldur súrrealískum ala "ég er að kaupa af ykkur vöru en er ekki að fá hana en þarf samt að borga" "já því miður þannig er það bara" samræðum. Ég tilheyri semsagt þessum 5%. Svo enduðu þeir á því að kenna Securitas um tengingarleysi mitt og töldu sig þannig fría frá ábyrgð. Tilheyra samt allir Mömmu sem seldi mér pakkann á þeim forsendum að það væri svo fínt að hafa þetta allt undir einum aðila. En það þýðir ekkert að hringja í Mömmu af því að þar taka þeir ekki á móti veseni, þar er bara verið að selja þjónustu. Allir tilheyra 365 miðlum, svona eins og Saga Film sem óvart framleiddi auglýsingu fyrir símann undir merkjum OgVodafone. Súrrealískt. Jamm.

Tókst með naumindum að stoppa nauðungarsölu á íbúðinni minni. Ákvað að lesa þetta leiðindabréf frá Tollstjóra, núna á fimmtudagsmorguninn, rámaði eitthvað í að dagsetningin hefði tilheyrt deginum. Jújú, uppboð á íbúðinni klukkan 10.

Þetta var barasta eins og í bíómynd hvernig ég dreif börnin út í skólana og hentist niður til Tollstjóra með hnefann á lofti. Leit örugglega út eins og hún Trinity í Matrix, í svartri síðri regnkápu frá 66gráðumnorður. Þeim hjá Tollstjóra fannst ég ekki hafa staðið mig við innheimtustörf fyrir þeirra hönd. Launalaust starf að vísu, en kröfurnar endalausar. Ætluðu að kenna mér lexíu með einhverju sem má líka við selfirskan þvaglegg. Auðvitað var þetta ekki alveg svo slæmt að komið væri að hamarshöggi, þó ekki hafi verið hægt að skilja bréfið öðruvísi. Mér þætti við hæfi að þeir hjá tollstjóra lærðu að senda emil, ég les emilana mína. En opna varla bréf frá opinberum aðilum. Aldrei vitað einhverja gæfu falda í pósti frá þeim.

Keypti mér nýja uppþvottavél því sú gamla dó. Leitaði lengi að vél sem er ekki með ritgerð og ljósashowi framan á sér. Fann eina. Hún á að vera ein sú hljóðlátasta á markaðnum. Einmitt. Það líkist helst tónleikum rokksveitar þegar hún er sett í gang. En með tímanum venst maður þessu og nú finnst mér þetta vinalegt hljóð. Upplifi að ég sé að taka þátt í uppþvottinum þegar ég heyri vélina nuddast í hverri skál.

Svo vaknaði ég upp við það á föstudagsmorguninn að Logi tróð hægri löpp sinni uppí andlitið á mér og vildi að ég kyssti á bágtið. Mér sýndist hann bólginn og að hann væri með aðskotahlut, jafnvel glerbrot, uppí löppinni.

Í stað þess að fara með hann í leikskólann fórum við uppá slysavarðstofu. Þar eyddum við hátt í tveim tímum og niðurstaðan var sú að drengurinn er með vörtu á ilinni. Mikið er ég fegin að hafa ekki hringt á sjúkrabíl!

En þarna hitti ég alveg frábæran lækni, svona íslenska versjón af dr.House (og nú veit ég að Jenny þarf skyndilega á slysavarðstofuna ), hann sagði mér að ekki brenna burt eða eitra fyrir vörtunni. Að þetta væri vírus og engin önnur leið en láta hann ganga yfir. Ekki frekar en það teldist ráðlagt að brenna burt hlaupabólu. Reyndar tekur varta lengri tíma, tæki hana allt frá 3 mánuðum uppí 3 ár að hverfa. Ég hafði verulegar áhyggjur af því að þetta væri erfiður staður fyrir vörtu. Drengurinn haltraði jú um. En hann sagði mér að taka steininn úr skónum með því að kaupa innlegg, klippa gat fyrir vörtunni og setja í skóinn hans. Snilldarráð sem dugar okkur vel. Æ, ég hef alltaf svo gaman af því að rekast á svona lækna sem geta talað mannamál við mann og gefa tíma þó tilefnið sé ekki hættulegra en varta.

Ég er búin að vera að upplifa nýja tegund af lágvöruverðsverslun í Krónunni úti á Granda. Og það er upplifun í lagi. Ekki endilega verðið eða útlandslookið sem skapa nýja upplifun, heldur hreinar körfur og kerrur. Það sem lendir þar, veltist ekki uppúr margra ára kjötsósugrænmetisþurrkaðriklísturklessu. Alveg frábært.

Á hverjum morgni vakna ég nú upp við regnboga í eldhúsglugganum mínum. Eftir að ég setti filmuna í gluggann, til að byrgja útsýni fyrir gluggaóðafólkinu á móti mér, fellur ljósið þetta skemmtilega.

Það er yndislegt að drekka kaffið sitt undir regnboganum. Ekki að það hafi fært mér kistu af gulli.

Logi er farinn að vinna. Hann hertekur tölvuna mína og ef ég kvarta, hrópar hann ákveðinn: "Ég er að vinna". Hristir hausinn og biður mig frá að hverfa.

Ótrúlegt hvað framkvæmdagleði er í engu samhengi við getu. Logi hefur mikla framkvæmdagleði en litla getu og enga skynsemi. Algjört krútt. Systkini hans sem öll hafa meiri getu og góðan skammt af skynsemi hafa tapað allri framkvæmdagleði. En auðvitað er það mér að kenna. Mömmunni. Örugglega.

Maður berst gegn framkvæmdagleðinni meðan skynsemin er lítil. Logi fær til dæmis ekki að sjóða sitt kakó sjálfur, hann fær ekki að skera eplið, hann má ekki klippa buxurnar sínar, hann má ekki endurforrita tölvuna mína. Honum finnst örugglega hann ekkert mega gera. Og þannig ber maður úr þeim framkvæmdagleðina. Birta liggur allavega sátt í sínum baunapoka og ef beðin út með ruslið eða að sækja mjólkurpott útí búð, svarar hún án undantekningar; "ég er bara barn".

Ég má alls ekki setja inn mynd af Sindra. Er enn í frystikistunni eftir að hafa sett inn sundmyndina af honum. En kannski er ég bara í þessari frystikistu af því ég er ekki bara leiðinleg heldur líka forréttindafemínisti.

Er dálítið eyðilögð yfir því að vera talin svona leiðinleg. Er að pæla í því að fara á námskeið. Ætti að komast að þar sem mér líður ekki deginum eldri en 12 ára.

En hvað forréttindafemínisti þýðir veit ég ekki. Kannski einhver geti hjálpað mér með skilgreiningu á því fyrirbæri. But please luv me. Ég umber ekki tilhugsunina um að jafnvel sköllóttum drykkjuboltum finnist ég leiðinleg. Og mér er full alvar. Fékk hnút í magann og velti mér uppúr því í marga daga hvað ég hefði gert vitlaust. Svona gerir maður bara ekki þó kona sé ekki fegurðardrottning í blautbol. Segja konu leiðinlega.

Allavega, ef þetta endar alltsaman í bíómynd held ég að Cate Blanchett henti ágætlega í aðalhlutverkið.

Diskó í kaskó.

2007-08-24T22:35:00.000Z

Af því að ég hef ekki haft neinn tíma til að blogga. Og af því að betra er að hafa lífið í kaskó, sérstaklega þegar eldhúshillurnar hrynja og allt leirtauið fer fyrir lítið. Líka erfðarstellið frá henni ömmu. Af því að vikulöng aðlögun prófessjónellra leikskólabarna er fáránlegt fyrirbæri og líka mannekla á skóladagheimilum.

Þá vil ég að þið lærið að dansa diskó. Vonandi segir þetta allt og hjálpar ykkur að dansa gegnum lífið.

Lets diskó. Allavega á finnsku.

Grautur í haus

2007-08-05T22:38:00.000Z

Ég lagði það á mig um helgina að afsanna þá kenningu að drykkja á hreinu vodka væri betra fyrir mann en önnur drykkja. Reyndar blandaði ég saman vodkategundum - íslenskt Reykjavodka tók við þegar Stolichnaya flaskan var búin. En tel þó sannað að magnið sé það sem setji graut í hausinn, ekki tegundir.

Lappaði uppá sjálfa mig með góðri sundferð og gufu. Sakna Sindra sem er enn í góðu yfirlæti í Falsterbo.
Hér er gömul mynd af honum í sundi.

Og p.s.

virkar ekki.

2007-08-01T22:05:00.001Z

2007-08-01T20:50:00.001Z

2007-08-01T20:12:00.001Z

2007-08-01T20:08:00.001Z

2007-08-01T20:03:00.001Z

Aftur heim.

2007-07-31T23:45:00.000Z

Jæja. Þá er sumarfríið búið. Hér kemur að ég held lengsta bloggfærslan mín með fullt af myndum - allt til að þóknast mínum yndislegu og kröfuhörðu bloggvinum.

Við áttum indælan tíma í faðmi fjölskyldunnar. Og þetta er sko alvöru fjölskylda sem ég á. Mamma og pabbi alltaf jafn skotin í hvort öðru.

Við erum fjögur systkinin og 14 barnabarnið bættist í hópinn þegar Hermann, litli bróðir, og kona hans, hún I, eignuðust hana Emmu.

Hér má sjá Loga og Birtu dást að þessari nýju frænku.

Eins gott að foreldrar okkar búa í Villa Parkbo og geta tekið á móti öllum þessum skara.
14 barnabörn.

Fyrir utan Emmu eru þessi þrjú yngstu afkvæmin. Það eru Anna, Júlía og Logi - öll 2 ára.
Því miður komst Máni ekki með okkur út og því vorum við bara með 13 stykki þegar best lét. Og það er engin óhappatala þegar verið er að telja börn. Langt í frá.

En af því við erum að minnast á tölur þá fylltist Birta aðdáun þegar amma hennar fór að veifa framan í hana fingrum til að sýna að sextíuogeittár væri meira en sjöár og að þess vegna mætti amma vaka lengur en Birta. Birta sagði með mikilli lotningu: "Vá, hvað þetta eru margir puttar, mikið rosalega ertu heppin að vera ennþá lifandi!" Amma hennar var eiginlega alveg sammála og Birta fékk að vaka lengur.

Falsterbo liggur í suður Svíþjóð, ca. 30 km. frá Malmö. Falsterbo er frægur sumarleyfisstaður og þar er mikil fuglaskoðun stunduð og Falsterbo horseshow árlegur viðburður. Fyrsta daginn okkar í Falsterbo var dálítið haustlegt veður. Frábært fyrir göngutúr í skóginum.

Skógurinn í Falsterbo er dálítið sérstakur því hann liggur allur á sandi. Þess vegna ná þessi stóru miklu tré ekki að festa ræturnar nógu vel. Það þarf ekki mikið veður til að eitthvað af þeim falli.
Næsta dag var veðrið orðið það gott að um kvöldið skellti fólk sér gegnum skóginn niður á strönd.

Ströndin í Falsterbo er töfrum líkust. Hvítur sandur eins langt og augað eygir - í báðar áttir. Allt nesið mælir 40 km strandlengju og á Falsterbo þar 4,5 km. Svona um það bil. Birta lék sér við öldurnar meðan Sindri bróðir hennar og frænkur, Isabella og Amanda, skelltu sér fram af bryggjunni.

Það var oft farið niður á strönd. Það er fátt skemmtilegra en að leika sér við öldurnar.

Við gerðum svo margt annað. Til dæmis sigldum við um kanala Kaupmannahafnar og lærði að þá grófu sænskir fangar. Þó ég hafi starfað í Kaupmannahöfn í mörg ár, og taldi mig þekkja borgina inn og út, fékk ég alveg nýja hlið að sjá. Til dæmis hjólaði ég framhjá Litlu hafmeyjunni á hverjum degi í heilt ár, en fékk aldrei séð þessa hlið á henni fyrr en núna í bátnum.

Ástæðan fyrir því að ég álpaðist í bátinn núna var að okkur var boðið í sextugsafmælið hennar Mönnu. Hún bjó um tíma á Íslandi þegar barn og kynntist þá mömmu minni.

Manna, sem er fremst á myndinni, ákvað að eyða afmælinu sínu með okkur stórfjölskyldunni og bauð okkur í rútuferð um Kaupmannahöfn, heimsókn í höll drottningarinnar, þar sem við meðal annars skoðuðum riddarasalinn, bátsferð, mat í tívólí og armband fyrir öll börnin svo þau gætu tryllst í tækjunum.

Logi tók þetta gleðistökk þegar hann sá að hægt var að skjóta af rifflum. Ég held það séu of mikið andrógen í þessum litla risabolta. Það mátti ekki taka myndir í höllinni - en ég smellti þessari af Birtu á konunglegu almenningsklósettinu.

Síðan var farið heim til Mönnu í mat og drykki þar til lestin var tekin aftur til Svíþjóðar seint um kvöldið. Við gleymum þessum degi ekki í bráð. Manna er ótrúleg kona og flutti mikið sem barn. Bjó meðal annars, fyrir utan á Íslandi, í Rússlandi og Saudi Arabíu.

Hér má sjá Matthildi, Sindra, Isabellu og Amöndu liggja á meltunni eftir kræsingarnar hjá Mönnu.

Meðan frændurnir Adrian, David og Logi losuðu sig við aukaorkuna með léttri glímu.

Aftur í Svíþjóð áttum við indælan dag í Folkets Park. Þar fann Logi þetta mótorhjól og eyddi öllum miðunum sínum í að keyra það - hring eftir hring eftir hring.

Við fórum í Pildammsparken og sáum íslendingana í brake-hópnum Element keppa í Norðurlandamóti í Brakedansi. Innifalið í þeirri skemmtun voru rapptónleikar. Það var að sjálfsögðu Sindri sem bauð uppá þá skemmtun. Og mikið rosalega var gaman og íslenski hópurinn flottur.

Pildammsparken er einn af mínum uppáhaldsgörðum.

Væri ekki yndislegt ef við gætum lífgað uppá t.d. Hallargarðinn og boðið uppá leikhús og tónleika þar í hverri viku allt sumarið? Henda inn litlu notalegu kaffitorgi - et voila! En auðvitað er það erfitt ef ríkið ætlar að hefta drykkju utandyra og reykingar innandyra. Má greinilega ekki blanda þessu tvennu saman.

Frá Malmö er það helst að frétta að "the turning torso" er risinn,
HSB Turning Torso er 190 metra hár. Samtals er að finna í honum 54 hæðir. Hver hæð er ca 400m². Algjört skrímsli og Malmöbúar virðast ekkert sérstaklega stoltir af honum. Hitt er að verið er að grafa fyrir neðanjarðarlestinni til Köben.

Þeir byrjuðu nú á þessum greftri fyrir um 6 árum síðan og þá var Bera Nordahl enn yfir Malmö Kunsthall. Hún hafði skipulagt mikla og virðulega ráðstefnu sem endaða með ósköpum vegna þess að hávaðinn frá borunum neðanjarðar gerði það að verkum að enginn heyrði mælt mál í skreyttum ráðstefnusalnum. Í dag eru þeir byrjaðir að bora undir skurðstofum spítalans í Malmö og víst ekki hægt að stunda neinar aðgerðir á meðan þar sem allt hristist svo mikið vegna hamagangsins. En það verður ekki amalegt að geta hoppað uppí lest á rölti sínu um Malmö og lent í Köben. Eftir 5 ár eða svo...

Eftir allt þetta skemmtilega, en stutta, ferðalag var aldeilis gott að komast heim aftur.

En mikið rosalega söknum við ömmu og afa. Og Sindra sem kemur ekki heim fyrr en eftir 2 vikur.

En flugferðir, vopnaleitir, klámsala Eymundsson, bílastæði við Keflavík etc. er efni í annan og leiðinlegri pistil.

Seinni hluti brestur á.

2007-07-22T00:33:00.000Z

Nú er sumarfríið mitt hálfnað og þess vegna, að sjálfsögðu , skelltum við okkur öll í vinnuna í Latabænum. Það þykir ekki leiðinlegt að fara með mér þangað.

Logi er allur að hressast. Þó er enn í land með að sárin grói, en hætt að vessa.

í dag fórum við svo í Kolaportið. Þurftum að sækja vistir þar sem við erum á leið í Falsterbo og hvítar strendur suður Svíþjóðar og þar er Sindri. Ég hef ákveðið að þar ætlum við að eyða seinni helming sumarfrísins. Með okkar fólki.

Á leiðinni mættum við þessum andarungum með mömmu sinni.

Á Austurvelli spilaði Sniglabandið. Birta kallar þetta tónlistarbílinn. Held það sé bein tenging í brúðubílinn.

Í Kolaportinu var Birta heilluð af Victoria´s Secret básnum. Ég var ekki alveg að fatta nafngiftina á básnum þar sem eingöngu virtust seld þarna barnanáttföt úr eldfimu efni.

Birta er þessi með reiðhjólahjálminn.

Eftir kaup á harðfisk og lakkrís var farið í kaffibolla á Lækjartorgi. Þar tók Birta þessar líka

fínu myndir. Ég held hún sé efni í góðan ljósmyndara.

Þegar við komum heim kláraði Birta að pakka fyrir ferðalagið á morgun.

Djók.

Þetta fannst henni eingöngu nauðsynlegt að pakka fyrir ferðina:

Dót og aftur dót!
En þegar betur var að gáð kippir henni í kynið og hafði hún pakkað nokkrum pörum af skóm niður líka.

En við erum tilbúin í slaginn og okkur hlakkar til ferðalagsins. Það eina sem þarf er að lauma nokkrum flíkum ofaní töskuna hennar Birtu.

Fyrir börnin.

2007-07-19T01:00:00.000Z

Þessi er rosalega vinsæl hjá börnunum mínum, þessum yngstu. Ástandið þannig að ég fæ varla að komast í tölvuna mína. Enda svosem í sumarfríi og hef því ekkert í tölvuna að gera. ÚYeh.

Kossageit

2007-07-18T01:02:00.000Z

Jæja. Þá er ég orðin nokkuð vel kunnug læknavaktinni í Kópavogi og eins sjúkdómsheitum sem tengjast dýrum. Það er ekki langt síðan Logi fékk gin- og klaufaveikina og nú er hann með kossageit.

Hann fékk smá meiddi á hnakkann um helgina og nú er það orðið að svöðusári og fullt af nýjum sárum búin að spretta um allan líkamann á honum. Mjaðmir, bak, hendur, andlit.

Þessar myndir eru ekki fyrir viðkvæma.

Það var fyrst í dag sem sárin tóku sprett og urðu svona ógnvænleg. Ég hélt að barnið væri fárveikt með blóðsýki eða að limir færu að detta af honum. En fékk ávísun á smyrsl og fúkkalyf hjá lækninum.

Málið leyst og allir glaðir.

Eftir læknisferðina fékk Logi sér smá lúr á koddanum. Hann stóð sig afar vel hjá lækninum og kvaddi hana með handarbandi þegar við vorum búin. Samt þurfti hún að skoða ofaní kok hjá honum og í eyru. Honum fannst það ekkert sérstaklega gaman en sárin voru farin að pirra hann og ég held hann hafi alveg áttað sig á því að hún gæti hugsanlega lagað það.

Vinkona mín vill meina að þetta sé hamstrinum að kenna. Hann heitir núna Sara. Vinkonan vill meina að ég eigi að losa okkur við þennan hamstur sem fyrst. Ég er ekki alveg að geta horfst í augu við það. Birta dýrkar þennan hamstur og nefnir hann á hverjum degi, með mikilli ást og enn meiri fyrirhöfn, nýju fallegasta nafninu sem henni dettur í hug.

Hvernig í ósköpunum er hægt að eyðileggja það vegna vírusótta? Ég held að sár bróður hennar komi ekki til með að hjálpa. Birta hefur meira að segja verið til í að fórna honum fyrir hús og því örugglega til í að fórna honum fyrir hamsturinn.

Hér skoppar hún himinlifandi á nýja skoppboltanum. Saklaus og yndislega, óvitandi um hugsanleg örlög stærstu ástar hennar í dag. Söru.

Fyrsti dagur sumarfrís.

2007-07-16T01:06:00.000Z

Hvernig eyðir kona fyrsta deginum í sumarfríinu?

Jú, hún vaknar seint og les sunnudagsmoggann sem enginn tími var fyrir í gær. Þar les hún um bestu vinkonu sína, jetsetter og sjóræningja, Jóhönnu Kristjónsdóttir, og hvernig hún hefur stuðlað að breyttu lífi fyrir fátækustu konur og börn í Jemen. Hún stofnaði Fatímusjóðinn fyrir rúmlega tveimur árum og er markmið hans að styrkja konur og börn til náms.

Hér er partur úr greininni í Sunnudagsblaðinu eftir Fríðu Björnsdóttir:

Fyrir tilstilli Jóhönnu Kristjónsdóttur styðja nú fjölmargir Íslendingar
tæplega áttatíu börn til náms í Jemen og á þriðja tug kvenna sem njóta
fullorðinsfræðslu og kennslu í saumaskap. Upphafið að öllu
þessu má rekja til heimsóknar Jóhönnu fyrir nokkrum árum í
„ósköp venjulegt jemenskt þorp“ skammt norður af Sanaa, höfuðborg
Jemens. Þar kom til hennar ung stúlka með höfuðklút en
ekki blæju, sem þó er algengast á þessum slóðum. Hún ávarpaði Jóhönnu
á ensku og bauð henni að skoða búðina sína.
Þetta var Fatíma, 14 ára gömul.
Hún sagðist hafa orðið að hætta í skóla en hafði þá verið búin að ná
nokkuð góðum tökum á enskunni, enda kennslukonan hennar frábær
kennari. Enskuna hefði hún viljað læra af því að einhvern tíma
kæmu ferðamenn til Þúla og þá væri betra fyrir búðarkonuna litlu
að geta talað við þá. Fatíma sagði Jóhönnu líka að til þorpsins hefði
komið svissneskur auðkýfingur sem endaði með að styrkja frænku
hennar til náms. Hún væri nú í háskóla í Sanaa og ætlaði að verða
verkfræðingur. Kannski gæti hún sjálf orðið verkfræðingur eða
læknir einhvern tíma í framtíðinni. Jóhanna spurði hvort hún vonaðist
kannski eftir að efnaður útlendingur kæmi og frétti af henni.
Andlitið ljómaði: „Já, en ætli það gerist? Ég þori ekki að láta mig
dreyma um það. Er það ekki alveg óhugsandi?“

Ég hvet alla til að skoða þetta betur á Hugarflugi heimasíðu Jóhönnuferða. Það er hægt að senda frjáls framlög og hér er að finna reikningsnúmer. Ef við ætlum að gera heiminn að betri stað tel ég starfsemi af þessu tagi vænlegra til árangurs en langdrægar eldflaugar og barátta við öxulveldi hins illa sem virðist lifa góðu lífi í hausnum á Bush og hans líkum. Ég og Sindri erum afskaplega ánægð með að styrkja okkar konu; Zakya Ali Saad. Hún er 47 ára gömul ekkja, og á 9 börn. Hún vinnur við ræstingar og stundar námið samhliða. Ég dáist endalaust af dugnaði hennar við að búa sér og sínum betra líf. Hún er alvöru hetja.

Svo er líka hægt að skrá sig í VIMA og skella sér til dæmis í ferð til Íran.
Vinasambönd eru af hinu góða.

Eftir góðan morgun, við moggalesur og úttekt á uppsöfnuðum súdóku skammti, fórum við Birta og Logi og sóttum um nýja passa. Við ætlum nefnilega í ferðalag næsta mánudag.

Ath. skal að afgreiðsla þeirra er 10 dagar en ekki fimm eins og ég hafði talið mér trú um og þeir taka bara við greiðslu með debetkorti - ekki kredit. Örugglega svo maður fríki ekki á vísanu og stingi svo bara af til Ríó eða eitthvað.

Allavega. Fórum í IkEA og fengum okkur kjöttbullar með sultu og soðnum kartöflum. Alveg frábær matur fyrir börnin og 300 kall á kjaft. Ég er engin nískupúki en þetta finnst mér alveg frábært verð. Af hverju er þetta ekki svona annarstaðar? Eru þessar kjötbollur kannski bara eitthvað frat? Þær voru allavega frábærar á bragðið og í þessu fáu skipti sem börnin hreinsuðu diskinn. Við skoðuðum ekki einu sinni neitt í IKEA, enda fæ ég alltaf létt geðveikiskast þar inni. Sérstaklega þegar ég fatta að ég er farin að ganga í hringi og fæ á tilfinninguna að ég komist aldrei út. Nei, nú fórum við eingöngu til að borða.

En af því að þessi kona ég er komin í sumarfrí skreppur hún svo aðeins í vinnuna með börnin. Þar er þeim boðið uppá kleinuhring með karamellukremi. Meðan mamma líkur sínum málum. Þá fórum við í endurvinnsluna og losuðum okkur við tonn af Fréttablöðum, Blöðum, Moggum og Hagkaupsbæklingum. Hvað eru mörg tré í því?

Hér gæða börnin sér að annarskonar nammi en íþróttanammi.

Svo skelltum við okkur í töfragarðinn hjá níræðum töffaranum ömmunni og langömmunni.
Rammgöldrótt úr Aðalvíkinni.

Þar liggja álfar um allan garð og valmúinn blómstrar.

Það gera bóndarósinar hennar líka. Alveg rosalega flottar.

Bóndarós blómstar ekki í fimm ár eftir að hún hefur verið hreyfð. Ömmu rósir hafa blómstrað á hverju ári síðustu fimm ár.

Ég erfði skófíknina frá henni ömmu minni. Hún safnar meira að segja skóstyttum.

Það er hægt að skoða ævintýragarðinn hennar langömmu hér á flickr.

Eftir verslunarferð í Krónuna fórum við og heimsóttum annan töffara. Vinkonu mína og snilling. Hún býr líka í töfrahúsi og alltaf gaman að heimsækja. Logi steinsvaf reyndar í bílnum, alveg búinn eftir fjörið hjá langömmu. En okkur Birtu var boðið uppá te og köku og tröppurnar.

EKJ fékk Mána til að sparka pípsjówi í vegginn milli borðstofu og eldhúss. Þetta er svona work in progress.

Og af því að þetta er algjörlega að ná til mín, þetta innlitútlitveggfóðurs-tema, þá er hægt að skoða töfraheim Elísabetar J. hér á flickr.

Hún á líka álf, inní eldhúsi, og heila bók í skrifum undir indíánahöfðingja.

Síðan prófuðum við nokkrar bensínstöðvar þangað til við fundum eina við Háskólann sem enn átti heilt millistykki svo hægt væri að dæla lofti í bolta. Heim. Kvöldmatur var jógúrt og með. Klukkan að verða hálf ellefu en enginn sofnaður. En okkur til málsbóta erum við að leita að dverghamstrinum Lilju sem heitir víst Lísa núna. Hún komst nefnilega útúr búrinu sínu og líklegast að kanna ástand veggja hjá okkur. Er hægt að sofa vitandi af því að þetta kríli gæti skriðið uppí og bitið mann í tærnar. Ó, nei. Ég verð allavega andvaka þangað til kvikindið finnst.

Okey. Ástæðan fyrir því að þessi birtist ekki fyrr en eftir miðnætti er að ég fékk gesti. ógisslega gaman.

p.s. Lilja er fundin og komin aftur í búrið. Ég meina Lísa. Góða nótt.

Sindri útí heim.

2007-07-14T01:10:00.000Z

Þá er hann Sindri minn í flugi til Köben á leið sinni til ömmu og afa í Falsterbo.

Við erum strax farin að sakna hans og ekki síst öfundum við hann mikið.

Ekki útaf góða veðrinu, höfum nóg af því. Ekki vegna framandi menningar. Ég Birta og Logi vorum einmitt að koma af American Style og varla neitt meira framandi en það...

Ekkert smá fyndið hvað það voru margir amerískir túristar að borða þar.

Við öfundum Sindra af því hann verður knúsaður og dekraður í kaf af ömmu og afa. Og Falsterbo, skóginum og ströndinni.

Myndin af honum kemur á ská af því að ég er með makkatölvu. Það er sama hvað hún er flott og slikk - ég er bara ekki að skilja allt sem hún gerir....

Ég beið að sjálfsögðu í tvo tíma fyrir utan flughöfnina þangað til flugvélin fór í loftið. Það er súrt að ekki skuli vera hægt að skella nokkrum bekkjum út fyrir fólk að sitja á. Maður ráfar þarna um og af því veðrið er gott er fáránlegt að hanga inni á flugstöðinni en þá er ekkert í boði nema bílastæðið. Ég fann mér stein þar til að tylla mér á.

Þetta er mynd af mér að bíða. Þá var ég ekki búin að finna steininn.

Ferleg flottar hraðaæfingar á veginum til og frá Keflavík. 90 km/klst svo niður í 70 í 10 sek og svo 50 í 30 sek og svo 70 í 10 sek og svo aftur 90 km/klst og svo aftur 50 etc. Svona er þetta fram og til baka. Ferlega fyndið að halda að þetta geri eitthvað. Ég þori að lofa ykkur að enginn hægir meira á sér en niður í 80-70 km/klst. Þetta eru allt of stuttir kaflar fyrir annað. En kannski góð leið að ná í pening í ríkiskassann. Samt engin lögga á leiðinni í dag. Og eitt mótorhjól á allavega 130 km/klst. Vona að viðkomandi komist heill á höldnu á vegarenda og að honum takist ekki að rústa lífi annarra.

Og nú er Sindri örugglega lentur.

Að sýna naríurnar.

2007-07-13T01:13:00.000Z

Ég hef uppfyllt kvenlega skyldu mína. Mætti til vinnu í gegnsæjum kjól.

Þetta var ekki skipulögð aðgerð en tengist hugsanlega því að í dag er föstudagurinn þrettándi. Ég var vel viðunda í morgun. Kom of seint til vinnu en fékk í staðin að njóta visku Dr. Phil, svona í morgunsárið, meðan ég hressti mig við með sykri og rótsterku kaffi. Sú hressing dugði greinilega ekki því ég var nógu sljó til að ákveða að fara í eldgamlan kvöldkjól og láta sem væri sumarkjóll.

Í réttu ljósi sést vel í gegnum hann.
En ég er eiginlega bara fegin að þessari kvenlegu skyldu er uppfyllt. Nú hef ég sýnt meira en femínista ber og get með réttu kallað sjálfa mig kvenlega, allavega út þetta ár.

Og þið þarna uppí vinnu sem eruð að lesa þetta; HÆTTIÐ AÐ HLÆJA! Hlátursköllin heyrast alveg hingað inná skrifstofu til mín. Ég segi það enn og aftur; "ömmunærbuxur eru víst í tísku."

Nornin í hverfinu.

2007-07-13T01:12:00.000Z

Elísabet Jökuls megabeib var Í kastljósinu í gærkvöldi.

Þar ræddi hún Rio Tinto. Það skítafyrirtæki. Eins og Illugi Gunnars benti á erum við með mörg skítafyrirtæki hér á landi. Til dæmis Coca Cola. En það er engin afsökun fyrir því að næra fleiri. En græðgin á sér engin takmörk og við til í að selja sálu okkur fyrir nokkra dollara. Súrt.

Í samanburði finnst mér forgangur gegnum vopnaleit á Keflavík smámál. Er mér ekki skít sama!? Ræðum frekar ofbeldið sem felst í því að leita á fólki, fá það úr skónum, hefta með boðum og bönnum, vitandi að sénsinn á því að um hryðjuverkamenn sé að ræða er minni en nánast enginn. Fíflagangur per exelance.

Lyfjastofnun sá sér ekki annað fært en að úrskurða Mínlyf ólöglega póstverslun.

Hvílíkur farsi. Á sama tíma auglýsa íslenskar síður aðgang að hugsanlegu fórnarlambi mansals án nokkurra viðurlaga. Engin leið fyrir aumingja löggæsluna til að sjá að íslendingar hafi komið að flutningi konunnar undir ógeðslega íslenska kalla. Algerir vibbar. Vibbakallar. (Og þetta á líka við um ógeðslegu kallana á Stöð 2 sem hafa ekki snefil af skinsemi í kroppnum. Var hægt að leggjast lægra í fréttaflutning af þessu máli?).

En nei við skulum ná þessum sem er að reyna að aðstoða veikt og gamalt fólk að fá lyfin sín. Allt löglegt nema við úrskurðum bara heimasíðuna hans sem póstverslun - et voila - asskoti erum við klárir. Hægt að halda áfram að græða á þeim sem minnst mega sín. Justis is done.

Svo var það heimilið á Njálsgötu. Mér finnst alveg valid spurning hvort borgaryfirvöld eru að byggja upp gettó ef það er rétt að þeir eiga flest húsin þarna í hverfinu. Eins skil ég vel áhyggjur fólks með börn og unglinga. Við erum að tala um karlmenn í neyslu. Neysla verandi orðið til að leggja áherslu á. Það var gaman að hlusta á Elísabet tala um nornina í hverfinu. En ég er samt á því að fólk eigi að hafa völd til áhrifa á sitt nánasta umhverfi.

Allavega. Elísabet megabeib var megaflott og vel máli farin og í geggjaðri blússu og flottum rauðum strigaskóm. Svo miklu meira traustvekjandi en svörtu jakkafötin hans Illuga sem er líka vel máli farinn en hræddur við að klæða sig. Af hverju vill þess myndarlegi maður fela sig í svörtu?

Fjör á Hringbrautinni!

2007-07-09T01:11:00.000Z

2007-07-09T01:10:00.000Z

2007-07-09T01:09:00.000Z

2007-07-09T01:08:00.000Z

Þemadagur.

2007-06-30T01:18:00.000Z

Úff Púff. Sumir dagar eru bara öðruvísi en aðrir.

Í dag eyddi ég sólinni á bak við tölvu og með birgða glugga. Kallast vinna en er á svona sumardögum bara pynting.

Kom heim og ákvað að taka fataskápinn hennar Birtu í gegn. Á bak við gamla kjóla og óhrein nærföt, sem hún hafði snyrtilega troðið á bak við hengi í skápnum, fann ég líka þessa áhugaverðu tilraun.

Ég ætla ekki að þykjast vita hvað þetta er. En, lögurinn var bæði farinn að gerjast og mygla. Lyktin .... hvað get ég sagt? ... áhugaverð.

Eftir skápatiltekt, og förgun eiturefna, skelltum við okkur í grill til vinkonu minnar. Grasekkja með eitt stálpað barn tvo ketti og hamstur. Ég með Sindra, Birtu og Loga. Áttum yndislegt kvöld með lambi og ferskum ananas, kaffi og köku.

(myndir frá garðveislunni úr símanum mínum)

Seinna kom Máni með Rottweilerinn hana Athenu. Ég og Sindri erum nefnilega að passa hana í kvöld.

Aþena er fagur og blíður Rottweiler. Það fannst hinsvegar öðrum heimiliskettinum ekki. Veit ekki hvort kattarskömmin er illa veruleikafirrt eða ótrúlega hugrökk. Þegar við settumst inní stofu með kaffibolla og Simpson í sjónvarpinu, tók allavega kötturinn sig til og réðst á Aþenu. Við áttum í fullu fangi með að koma í veg fyrir að hundurinn æti köttinn.

Við ákváðum að setjast aftur útí garð með Aþenu. Birta og tveir drengir urðu eftir til að horfa áfram á Simpson. Eftir skamma stund kemur Birta allt í einu út og er eitthvað hálf tekin. Skelfur smá. Hún var sett í peysu af því við héldum að henni væri kalt. Svo kemur hún til mín og vill bara fara heim. Ég sættist á það og við kveðjum og þökkum yndislegt kvöld.

Mér tókst að hlaða litlu áldollunum mína, sem sumir kalla bíl, með þrem börnum, einum Rottweiler og einum hamstri. Ókey. Ég er að fara of hratt yfir sögu.

Sko. Heimilismóðirin sem við heimsóttum var að gefast uppá hamstrinum sem enginn nennti lengur að sinna. Eftir að mitt klan hafði svarið og sárt við lagt að þau elskuðu hamsturinn og ég myndi aldrei þurfa að koma nálægt því að annast hann ,
samþykkti ég að hann kæmi með okkur.

Já ég er jafn eftirlát og auðblekkt og ég lít út fyrir að vera.

Allavega.

Á leiðinni heim, í þrengslunum í dósinni, segir Birta; "Þegar við komum heim ætla ég að segja ykkur dálítið sem er algert leyndarmál. Það má ekki segja það neinum!"

Við í kór: "Nei, nei segðu okkur núna!"

Þá brettir Birta upp annarri peysuerminni og er öll rifin og tætt og blóðug. Ég segið ykkur í alvöru þetta var ljótt. Hún var í sárum upp allan handlegginn.

Þá hafði kötturinn verið svo æstur eftir að hafa ekki fengið að slást við Rottweilerinn, að hann réðst á Birtu þegar hún lá uppí sófa yfir Simpsonþættinum.

Þess vegna hafði hún komið með skjálftann út og viljað heim.

Ég hentist upp Hringbrautina. Henti út Sindra og Loga, hundinum og hamstrinum, fyrir utan heima. Fór beinustu leið uppá Læknavakt með Birtu.

Þar hitti ég fyrir ef ekki barasta yndislegasta lækni í heimi. Honum tókst að sótthreinsa vandlega sárin, þó illi sviði undan, og pakka þeim inn. Það er sko afrek og þarf mikla færni í mannlegum samskiptum þegar Birta er annars vegar. Svo þurfti í apótekið eftir sýklalyfjum. Af því klórið var svo mikið og djúpt var ekki ráðlagt að taka sénsinn að sleppa lyfjunum. Loksins heim þegar klukkan er að ganga ellefu.

Heima hafði Logi sofnað á stofugólfinu. Aþena lá við hliðin á honum og vaktaði hann. Athena er mikið hrifin af Loga. Hún er ekki eins hrifin af móðurhæfni minni. Finnst ég ekki vakta drenginn nógu vel. Athena á það til að skamma mig, líka þegar henni finnst ég ekki beita drenginn nægum aga.

Það fer ekki lítið fyrir því hvað Birta er montin af sárum sínum. Þá sérstaklega umbúðunum og sýklalyfjunum.

Ég held hana dreymi ör sem hægt er að flétta inní magnaðar sögur, um ókomna framtíð. Ég hef ekki enn spurt Birtu af hverju engum mátti segja frá klórinu. Enda segir hún núna öllum sem vilja það heyra. En ég tel hún hafi óttast það að kötturinn yrði skammaður og einhverstaðar held ég að þessi skapstóri snillingsengill minn hafi skilið frústrasjón kattarins sem ekki átti séns í hundinn.

Hér er hún í lok dags, eins hamingjusöm og hægt er að vonast til að verða, með hamsturinn Kalla sem nú heitir Lúlli.

Þema þessa dags var semsagt heimilisdýr.

Fjölskylduskrímslið.

2007-06-29T01:20:00.000Z

Var að fá nýja tölvu í dag. Þetta er þessi líka flotta vinnutölva, en samt eyddum við fjölskyldan öllu kvöldinu í að leika í photo boothinu.

Hér er afraksturinn.

Argandi gargandi fjölskylduskemmtun!

Geimrannsóknarstöðin hans Megasar.

2007-06-24T01:22:00.000Z

Við löbbuðum í góða veðrinu í gærkveldi niðrá Austurvöll. Ætluðum að fá okkur að borða úti í kvöldsólinni. Þetta var rétt fyrir níu og varla þverfótað fyrir illa drukknum óárennilegum karlmönnum. Þá meina ég þessum af verstu sort. Svona handrukkaratýpum. Æpandi og ógnandi - þó aðallega hvor öðrum.

Fengum okkur hamborgara og franskar og bjór á Red Chili. Af því að þar var sólin og útlendingarnir. Horfðum á fyllibytturnar eins og þær væru leikþáttur í boði hússins.

Ekki var einn einasti lögregluþjónn sjáanlegur. Ekki allt kvöldið.

Ákváðum að skella okkur á tónleika með Megas og KK og Hjálmum í geimrannsóknarstöðinni, hinum megin við völlinn. Tónleikar sem áttu að byrja á miðnætti.

Við vorum látin bíða í rúman klukkutíma. Í alvöru. Strákar. Þið eruð ekki alveg nógu sætir til að láta bíða svona eftir ykkur. Rúmlega eitt byrjaði fjörið.

Gaman að sjá að á NASA mætti fólk á öllum aldri. Líka voða mikið af því illa drukkið. Það var fjör útí reyknum. Heyrði þessa gullvægu setningu þar: "Reykingarbannið blekkir." Það var ung stúlka sem hélt að þetta væri röðin inná staðin og varð svona líka fegin þegar hún fattaði að þetta voru bara gestir að fá sér sígó.

Ég var komin heim áður en Megas steig á sviðið. Prinsippmál.

Smá sannleikur.

2007-06-24T01:21:00.000Z

Salman Rushdie er Paris Hilton bókmenntaheimsins....

19.júní bleikur!

2007-06-19T01:24:00.000Z

Þann
19. júní fögnum
við því að hátt í hundrað
ár eru síðan konur fengu kosningarétt á
Íslandi. Allir sem styðja jafnrétti eru hvattir til
að klæðast bleiku eða bera eitthvað bleikt þennan
dag.

10:00 Afhending Bleiku steinanna, hvatningarverðlauna Femínistafélagsins
13:00 Opið hús á Jafnréttisstofu, Borgum á Akureyri
16:15
Kvennasöguganga undir leiðsögn Kristínar Ástgeirsdóttur, sagnfræðings.
Gangan hefst við Kvennaskólann í Reykjavík, gengið verður um Þingholtin
og Kvosina og endað á Hallveigarstöðum
17:15 Hátíðardagskrá í
samkomusal Hallveigarstaða í boði Kvenréttindafélags Íslands,
Kvenfélagasambandsins og Bandalags kvenna í Reykjavík. Ávörp flytja
Þorbjörg Inga Jónsdóttir, formaður KRFÍ, Ingibjörg Sólrún Gísladóttir
utanríkisráðherra og Steingerður Steinarsdóttir, ritstjóri 19. júní
18:00 Veitingar og kaffispjall á Hallveigarstöðum
20:30
Kvennamessa Kvennakirkjunnar í samvinnu við Kvenréttindafélag Íslands
og Kvenfélagasamband Íslands. Messan er haldin við þvottalaugarnar í
Laugardal
22:00 Samkoma Ungliðahóps Femínistafélagsins á Cultura, Hverfisgötu

Kvenréttindafélag Íslands dreifir tímaritinu 19. júní frítt
UNIFEM selur bleik armbönd til styrktar kvennamiðstöðvum í Afganistan

Aðstandendur Málum bæinn bleikan eru:
Bríet,
Kvenréttindafélag Íslands, Stígamót, Femínistafélag Íslands,
Kvennaráðgjöfin, Kvenfélagasamband Íslands, Samtök um Kvennaathvarf,
Kvennasögusafn, Kvennakirkjan, Rannsóknastofa í kvenna- og kynjafræði
(RIKK) og UNIFEM

19. júní er 170. dagur ársins (171. á hlaupári) samkvæmt gregoríska tímatalinu. 195 dagar eru eftir af árinu.

Borðar sem þú getur notað til að setja á
vefsíður.

Settu eftirfarandi html kóða í bloggið þitt
eða vefsíðuna þína.

<img src="http://www.feministinn.is/myndir/19juni2004/19jun_banner_500px.gif">

Borðarnir eru hannaðir af Salvör Gissurardóttir femínistasnilling.

Já og svo auglýsingin sem ég, Kata og Sóley Stefáns gerðum!

Ef þið viljið setja hana inná síðuna ykkar er kóðinn:

<object
width="425" height="350"><param name="movie"
value="http://www.youtube.com/v/VAtPqC8Evpg"></param><param
name="wmode" value="transparent"></param><embed src="http://www.youtube.com/v/VAtPqC8Evpg"
type="application/x-shockwave-flash" wmode="transparent" width="425"
height="350"></embed></object>

Hæ, hó, jibbí, jei og jibbí, jei

2007-06-17T01:28:00.000Z

Já 17.júní.

Byrjaði ágætlega í morgun með blóm fyrir Jón. Þessi fjölskylda var samt ekki nógu skipulögð til að fylgja dagskránni. Kom sér af stað um hádegisbilið.

Birta var hátíðleg og blessaði fyrsta forseta lýðveldisins á sinn eigin sérstæða hátt. Held hún eigi alltaf eftir að kjósa eftir ræðuna sem hún fékk frá mömmu sinni um sjálfstæði og lýðræði.

Það er svo indælt að ganga í gegnum gamla kirkjugarðinn. Hann er svo fallegur. Og friðsæll.

Síðan indæll tími niðrá Lækjartorgi. Hæfilega mikið af fólki. Kaffi og candyfloss. Sykur þynntur út með litarefnum. Algjörlega við hæfi skemmtunarinnar sem tók við eftir hádegið. Skemmtun í "boði" hinna ýmissa félagasamtaka og fyrirtækja.

Yfir okkur flæðir íbízatónlist og biðraðir í hoppukastala á uppsprengdu verði. Alger sjoppa.

Meira að segja börnin hafa fengið nóg og voru ekki að tapa sér úr hrifningu. Ekki einu sinni var sníkt blaðra eða fáni. Sem er ótrúleg upplifun því þessum börnum tekst að sníkja hvað sem er útúr mér. Var barasta enginn áhugi á 17.júní pródúkti í mínum hóp. Ekki farið í einn einasta hoppu eitt eða neitt. Nada. Enda orðinn góður troðningur.

Flúðum í kaffi hjá vinafólki. Bláber og jarðaber. Og popp. Hopp á túninu.

Á heimleiðinni skoðuðum við gömlu bílana á tjarnarbrúnni. Það var gaman. Logi var samt hrifnastur af löggubílunum.

Nú er ég að undirbúa hátíðarkjúkling. Royal búðingur í eftirrétt. Gat ekki fundið uppá neinu þjóðlegra. Royal karamellubúðingur með þeyttum rjóma. hmmmmm.

Gleðilegan þjóðhátíðardag.

Mikið er ég stolt.

2007-06-17T01:26:00.000Z

Hún Steinunn vinkona mín fékk fálkaorðuna í dag.

Ein af þessu fáu, ef ekki einu, ungu konum sem hefur hlotnast sú viðurkenning. Steinunn hefur unnið ötullega í þágu íslenskrar hönnunar og gert það vel. Ég er afskaplega stolt af henni.

Hér eru nokkrar myndir sem ég tók af hönnun hennar árið 2005.

Það er hún Anna Kristín sem ber hönnun Steinunnar á þessum myndum.

Hverju orð fá áorkað.

2007-06-16T01:29:00.000Z

Logi er, eins og oft vill vera með drengi, seinn til máls. Hann er tveggja ára síðan í desember og ekki farinn að beita heilum setningum. Tja, allavega ekki fyrr en nú í morgun.

Ég var að knúsast eitthvað með hann í morgunsárið um leið og ég tók moggasúdókuið.

Allt í einu skellir Logi sér á bringuna á mér og bítur mig. Mér dauðbrá og hvessti mig, þetta var jú ógeðslega sárt , "hvað ertu að gera drengur!?" Þá brosir púkinn svo skín í tanngarðinn og segir á fullkominni íslensku "ég er að bíta þig".

Hvað gerir móðir í þessari stöð; með fullkomið afrit af tönnum barnsins á bringunni, í gleðivímu yfir því að loksins sannast að drengurinn er hvorki tregur né málhaltur.

Ég fékk mig allavega ekki til að bíta hann til baka... Hann er búinn að lofa mér að bíta aldrei aftur og svo bakaði mamma vöfflur í tilefni dagsins.

Orð í heilum setningum eru dýrmæt og geta svo sannanlega bjargað fyrir horn.

Logi er mikill skoti í sér og hér í pilsi.

Að fórna bróðir.

2007-06-15T01:30:00.000Z

Ég er enn að brosa útí annað yfir þessari sögu. Ákvað þess vegna að segja hana hér.

Við sátum inní stofu; Ég, Sindri, Birta og Logi.

Í sjónvarpinu var Extream makeover home edition. Ég er alger fíkill í allt sem viðkemur húsaviðgerðum. Þarf nefnilega sjálf að taka skúrk í íbúðinni; eldhús, bað og öll gólf.

Extream makeover, home edition eru alveg skelfilegir þættir. Þar er lítið efnað fólk, með mikinn farangur úr lífinu, rifið úr hreysum sínum og flutt inní marghundruð fermetra hallir. Bara reksturinn á svona ferlíki myndi setja mig á hausinn. Áður væri ég samt búin að missa vitið í hreingerningunum. Hvað tekur langan tíma að skúra 800 fermetra marmaragólf?

Allavega. Þetta keyrir nú samt í sjónvarpinu. Kona hvers dóttir er búin að vera týnd í 10 ár, á að fá nýtt þak yfir höfuðið fyrir sig og hin börnin sín tvö.

Ekkert er til sparað. Ævintýraheimur fyrir bæði börnin. Garðhús og hjólbrettabrautir, blómaherbergi með himnasængum og bleikum baðherbergjum.

Það fer ekki lítið fyrir Loga sem er að halda tónleika útí glugga. Sindri og ég erum eitthvað að ræða allan þennan íburð í sjónvarpinu en allt í einu tek ég eftir því að Birta er byrjuð að fella tár og orðin vel undin í framan.

Ég tek því strax þannig að sagan um týndu dótturina hafi fengið svona á hana. Reyni að tala við hana um það, útskýra og veita henni öryggi. Þá byrjar Birta að hágrát. "Já en mamma mig langar að eiga heima í svona húsi." "Af hverju getum við ekki átt svona hús?"

Ég reyni að útskýra að þarna sé fólk sem hafi ákveðið að leggjast á eitt um að veita konu, sem hefur lent í því versta sem hægt er að hugsa sér, það öryggi sem felst í góðu húsnæði. Hún týndi jú barninu sínu! Og þannig vildu þau líka þakka fyrir það starf sem þessi kona hafi unnið með því að finna önnur börn sem hafa týnst frá fjölskyldum sínum. En enginn gæti eignast svona án þess að þræla... "já, en getum við ekki bara týnt Loga?" HA? NEI, við viljum það ekki Birta.... "já, en við gleymum honum ekkert og finnum hann svo bara aftur!"

Nei elskan. Við skulum ekkert vera að því.

Birta sjálf jafnaði sig fljótlega og hefur ekki minnst frekar á þessa hugmynd sína.

Myndin er af Loga, að reyna að taka bita af Birtu, eftir að hafa torgað heilum hamborgara á Hróa Hetti.

Hún mamma mín.

2007-06-08T01:32:00.000Z

Hún mamma mín á afmæli í dag.

TIL HAMINGJU MEÐ AFMÆLIÐ MAMMA!

Hér er mamma mín í samræðum við hana mömmu sína, ömmu mína.

Hún mamma er nokkuð eldri en ég en lítur ekki út fyrir það. Hún er nefnilega svo létt í hjartanu. Ég ætla að verða eins og hún þegar ég verð stór.

Það sem ég kann best að meta í fari mömmu minnar er hvað hún er trygg og flippuð.

Já þú ert flippuð mamma.

Ég kæmi með köku ef ég væri ekki stökk á þessari eyju með erlenda eyjarskeggi í heimsókn.
Skála fyrir þér í kvöld.

knús.

clare

2007-06-05T01:53:00.000Z

Ekki það leiðinlegasta...

2007-06-02T17:18:00.000Z

...að þurfa stundum að fara í vinnuna með mömmu!

2007-06-02T17:16:00.000Z

2007-06-02T17:15:00.000Z

Ógeðslegir karlar.

2007-06-02T01:33:00.000Z

Ég er með þvílíka ógleði eftir lestur greinar um Goldfinger, Ásgeir Davíðsson eigandann, starfsmenn hans, Gunnar Birgisson bæjarstjóra Kópavogs, Þórð Þórðarson bæjarlögmann Kópavogs og kúnna strippstaðarins komandi úr öllum þjóðfélagshópum.

Ég vil láta ykkur vita að í mínum augum eruð þið vibbar. Bumbuvibbar.

Hvernig stendur á því að fjölmiðlar allir eru ekki logandi í umfjöllun um þetta hneyksli? Hver er að verja hvern og hversvegna? Þessa menn á að draga til saka.

Femínistafélagið hefur staðið fyrir aðgerðum fyrir utan Goldfinger. Héru eru myndir frá slíkum uppákomum:

Vonandi taka Kópavogsbúar sig til og losa sig við þetta skítapakk sem þessir tilteknu karlar og einstaka kerlingar eru.

Bluetooth

2007-05-31T01:35:00.000Z

Er með bluetooth í símanum mínum og aldrei notað. Þangað til ég fattaði að ég get sent í gegnum hana myndir ú símanum í tölvuna mína. Já, já ég er ferlega sein að fatta...

Algjört æði. Hér eru tvær myndir úr símanum mínum.

Fyrst Birta og Logi í lestinni í Húsdýragarðinum. Mynd tekin síðasta sumar.

Og svo nafnið mitt skrifað af Breta á töfluna uppí vinnu. Útlendingurinn knái ætlaði aldeilis að vanda sig við að skrifa nafnið Elísabet uppá íslensku. Útkoman var Elizabeð.

Að lifa í lyginni.

2007-05-27T01:36:00.000Z

Það er svo merkilega langt á milli upplifunar og sannleika. Ef þá sannleikurinn yfirhöfuð er til .

Er þetta ekki allt upplifun og enginn sannleikur? Þá þýðir ekki að reiðast lyginni því hún er sannleikur þess sem lýgur. Sannleikur minn lygi einhvers annars.

Nei, best að taka þessu bara brosandi. Ég veit betur og það dugar.

Gláparinn.

2007-05-26T01:37:00.000Z

Af því ég er mega löt í Latabæ þessa dagana, en vil samt sýna réttan blogg lit, þá ætla ég að skella inn Glápara Lesbókarinnar í dag. Það er ég að þessu sinni.

---------------------------------------------------

Ég hef verið að bjóða ótrúlegasta fólki heim í stofu til mín. Jafnvel fólki sem hefur
ekkert gott upp á að bjóða. Það er auðvelt að detta í svona samkomur.

En nú reyni ég að velja félagsskap minn betur og beiti því oftar fjarstýringunni til að slökkva á sjónvarpinu.

Stærsta ástæðan fyrir sjónvarpsglápi mínu var atvinnuskaði. Ég taldi mér trú um mikilvægi
þess að fylgjast vel með til að vaxa í starfi. Ég komst þó fljótlega að því að ég græddi ekkert á 85% áhorfsins.

Þá mundi ég hversu margt er hægt að læra af því sem illa er gert. Ég hélt áfram að bjóða inn í stofu á minn kostnað.

Ekki ætla ég að gera lítið úr þeirri hugsun sem hefur sprottið upp hjá mér við áhorfið, sérstaklega aukinni femínískri vitund. Það er þó allt of auðvelt að nýta sjónvarpið sem afslöppunartæki og hleypa þannig viðmótslaust inn á sig hugmyndum um upphafningu ofbeldis og
forheimsku.

Ég óttast að allir raunveruleikaþættirnir, American hitt og þetta, leitin endalausa að gömlum klisjum í nýjum búningi, að ógleymdum sápuóperum, sama í hvaða gæðum, drepi að
lokum í okkur alla trú á vitsmunalíf.

Sjálf þakka ég fyrir að á milli mín og þeirra í sjónvarpinu skuli stundum vera heilt haf og alltaf eitt stykki fjarstýring.

Ég hvet þig til að velja vel hverjum þú hleypir inn í stofu og inn í sálina. Skoðaðu dagskrána,
athugaðu dóma. Ef löngun til áhorfs er mikil þrátt fyrir lélegt framboð sjónvarpsefnis
skaltu skella þér út á næstu vídeóleigu.

Þitt er frelsið til að velja og, það sem ekki síður er mikilvægt, frelsið til að hafna.“

Villandi mynd.

2007-05-25T01:38:00.000Z

Það er stundum sagt að mynd segi meira en þúsund orð.

Stundum lýgur mynd meira en þúsund orð.

Eins og þessi. Það er eitthvað svo brothætt og hættulegt og sárt við þessa mynd.

Hún er samt tekin við mikla kæti. Logi var í miklu stuði. Mölin við Vesturbæjarskólann svo spennandi. Hann var að velta sér uppúr henni og grýta uppí loftið.

Það var bara þetta undarlega augnablik og þetta útkoman.

flyta4

2007-05-23T19:45:00.000Z

Sumarið hér

2007-05-23T19:43:00.000Z

Og Birta með Aniku.

Hún er svo fín í skotapilsinu.

Logi réð sér ekki fyrir kæti. Veltist um á róluvellinum.

Bestu vinkonurnar og bjartasta framtíðin.