þriðjudagur, mars 20, 2007

Zero húmor Zero skynsemi Zero mannvirðing

VARÚÐ. EKKI FYRIR VIÐKVÆMA PÚRITANSKA AFTURHALDSSEGGI. INNIHELDUR OPINSKÁTT EFNI.

Hér heima vilja menn loka iðjuþjálfadeild geðsviðs LSH; ekki hægt að púkka uppá það sem gagnast svo mörgum sem eiga jafn erfitt.

Peningunum betur varið í áframhaldandi almennt sukk. Geri nú ráð fyrir að þeir reddi þessu fyrir kosningar en sorglegt að sjá jafn nauðsynlegri starfsemi hampað sem vandamáli í okkar blessaða velferðarsamfélagi.

Tannlæknar og Tryggingastofnun benda á hvorn annan meðan smábörn þjást af tannskemmdum. Allt Tryggingastofnun að kenna. Ekki finnst tannlæknum neitt athugavert við yfirsprengda verðskrá sína.

Enn betra; allt foreldrum að kenna!

Gott, þá mega börnin halda áfram að þjást. Sökudólgurinn fundinn.

Heildsalar margir mala gull meðan við hin fögnum því að kókið lækkaði.

Á meðan er yfirstéttin agndofa yfir því að fiskur er ekki vinsælli.

Engum dettur í hug að verðið á honum geti spilað inní slæga sölu. Fiskur er mun dýrari en vatnsþynnt E22 unnin kjötvara.

Harðfiskur er lúxus sem fáir hafa efni á.

Heyrði í konu í útvarpinu í gær. Henni fannst jafnréttið gengið of langt.

Nú væri það farið að troða sér inná heimilin.

Ekki batnar það þegar litið er til verk þeirra sem virkileg völd hafa.

Náttúran tekin af lífi í beinni. Hrópað um gull og gráa skóga útvöldum til handa.

04

Sumir leggja það á sig að efla barnaníðinga í uppeldisstarfi sínu og gefa hórkörlum betra tækifæri með því að gefa frjálst veiðileyfi á konur.

Leikurinn gengur svo útá að sjá þannig um hnútana að ekki sannist að á bak við brotna konu standi pimp. Ef upp um pimpinn kemst fylgir að sjálfsögðu refsilækkun fyrir hvert ár sem honum tókst að halda sér frá káfandi armi laganna. Fyrir því eru fordæmin.

Ofbeldi með Zero afleiðingum. Draumur hórkarla fullkomnaður.

Sumir spiluðu með börnin til að ná þessu takmarki; Ef ekki verður fallið frá sterkari réttarvernd fyrir konur fáið þið ekki í gegn meiri réttarvernd fyrir börn.

Ætli slíkt útspil falli undir karlmennsku?

Sendiboðar eru skotnir niður þegar kornungum stúlkum er fórnað í klámfengið samhengi.

Mammon og tískunni til dýrðar.

Eru þetta verk engla í dulargervi? Kannski engla í dulargervi zero engla.

sunnudagur, mars 18, 2007

Bræðrabylta


Máni leggst til atlögu en Sindri lætur það ekki
hafa áhrif á koolfaktorinn.
Posted by Picasa

Strákakjóllinn


Loga finnst prinsessukjóllinn fara sér vel.

Posted by Picasa

Myndaveggurinn




Börnin komin í ramma og uppá vegg í svefniherberginu hennar mömmu....
Posted by Picasa

Skólasund

Birta með bekkjarfélögum sínum í skólasundi.



Posted by Picasa