Beðið eftir Law

Eyddi dýrmætum (dhhhööö) tíma mínum í að bíða eftir Jude Law í dag. Hann var sko að koma í heimsókn, með börnin og barnapíu. Svo birtist hópurinn, á silfurlitum jeppa, sagði hæ og fór. Var það biðarinnar virði? I don't know... kannski ef þetta hefði verið ógiftur Jonny Depp ... eða ... nei.

Best að halda sig við sína ófrægu femínísku íslendinga. Þeir eru bestir.

Annars gerði ég ekkert af viti í dag, vann ekki einu sinni í lottóinu. Þessi tregi lottóvinninga að streyma til mín er að valda mér smá vandræðum. Ég er nefnilega að eðlisfari afar jákvæð manneskja, en allt hefur sína kosti og galla. Aðalgallinn við þetta jákvæða lundarfar mitt er að ég reikna alltaf lottóvinninga inní allar fjárhagsáætlanir mínar. Eins og gefur að skilja, þegar enginn kemur vinningurinn, standast þessar áætlanir engan veginn. Bankinn er ekkert ánægður með þetta og sendi meira að segja í dag FIT viðvörun með sms'i í símann minn.

Nú mundi maður halda að FIT-viðvörun væri eitthvað sem kona gæti brugðist við og bjargað fyrir horn. En nei, FIT-viðvörun er bara venjuleg tilkynning um FIT-kostnað... Rosa flott ha?

Já, já, já auðvitað kenni ég engum nema sjálfri mér um í alvörunni, en leyfi mér þó að dagdreyma um að þetta sé allt mömmu minni og pabba að kenna af því þau tóku ekki Björgúlf á þetta og keyptu banka.

Já, já, já ég veit þú ert að lesa þetta mamma en þetta er bara svona þú veist.... , djók. Eins og Jakob Bjarna útlistar svo vel, í sárindum á blogginu hennar Kötu bestu vinkonu , hvernig börnin hans koma fram við hann. Jakob Bjarna er semsagt húmoristi after all, ég bara var ekki að fatta það fyrr en nú.

Kata er í alvöru algerlega að mala vesalings karlremburnar inná blogginu sínu. Þeir virðast allir aðhyllast einhverskonar sjálfskvöl því þeir hópast alltaf inn á borð til hennar og biðja um meira tukt. Finnst sjálfri fátt skemmtilegra en lesa bullið frá athugasemdar-aðdáendunum sem virðast skorta alla skynsemi og rökhugsun, kalla t.d. viðskiptaval kvenrembu. AAARRRRGGGHHHH Það er betra en Seinfeld að lesa athugasemdir við bloggið hennar Kötu. ÁFRAM KATA!

Það bjargaði deginum að skella sér á Sólon í afmæliskaffi með Jóhönnu og fjölskyldu hennar.´
Jóhanna er ekki bara gáfuð, hugrökk og úrræðagóð - hún er líka snillingur. TIL HAMINGJU MEÐ DAGINN!